Sarkari vaari Paata: సూపర్ స్టార్ మహేష్ బాబు కీర్తి సురేష్ జంటగా నటించిన లేటెస్ట్ చిత్రం సర్కారీ వారి పాట. ఈ సినిమా ఎన్నో అంచనాల నడుమ మే 12వ తేదీ విడుదల అయ్యింది. ఈ క్రమంలోనే ఈ సినిమా కలెక్షన్ల పరంగా మంచి కలెక్షన్లను రాబట్టిన మిక్సిడ్ టాక్ ను సొంతం చేసుకుంది. ఈ సినిమా విడుదలైన నాలుగు రోజుల్లోనే అమెరికాలో ఏకంగా 2 మిలియన్ మార్క్ అందుకుంది.
ఇక రెండు తెలుగు రాష్ట్రాలలో కూడా ఈ సినిమా మంచి కలెక్షన్లను రాబడుతోంది.ఈ క్రమంలోనే ప్రేక్షకులను ఆకట్టుకోవడం కోసం పెద్ద ఎత్తున సినిమా ప్రమోషనల్ కార్యక్రమాలను నిర్వహిస్తున్నారు మహేష్ బాబు సైతం సోషల్ మీడియా వేదికగా ఈ సినిమాకి సంబంధించి వీడియోలు షేర్ చేస్తూ భారీ స్థాయిలో ప్రమోషన్ చేస్తున్నారు.
ఇకపోతే తాజాగా ఈ సినిమా సక్సెస్ పార్టీని కర్నూలులో ఎంతో ఘనంగా నిర్వహించారు.సాధారణంగా ఇలాంటి పార్టీలకు మహేష్ బాబు చాలా దూరంగా ఉంటారు. కానీ ఈ సక్సెస్ పార్టీలో మహేష్ బాబు పాల్గొని ఏకంగా స్టేజిపై డాన్సులు చేస్తూ అందరినీ ఆశ్చర్యపరిచారు. ఫ్యామిలీ ఆడియన్స్ ని టార్గెట్ చేస్తూ ఈ సినిమా ప్రమోషన్ కార్యక్రమాలను నిర్వహిస్తున్నారు.
థియేటర్లోనే…
ఇకపోతే తాజాగా ఈ సినిమాలో మరొక కొత్త పాటను యాడ్ చేస్తున్నట్లు తెలుస్తోంది. మురారి బావా అంటూ సాగిపోయే ఈ పాట ఇప్పటి వరకు ఎక్కడా కూడా బయటకు రాలేదు. అయితే ఈ పాటను త్వరలోనే సినిమాలో యాడ్ చేయబోతున్నట్లు తెలుస్తోంది. అయితే ఈ పాటను యూట్యూబ్ లో విడుదల చేస్తారని చాలా మంది భావించారు. అలా కాకుండా ఈ పాటని ఏకంగా థియేటర్లోనే విడుదల చేస్తూ ప్రేక్షకులను ఆకట్టుకునేలా మేకర్స్ ప్లాన్ చేస్తున్నారు.
