Actor Indraneel: ఈ మధ్యకాలంలో బుల్లితెరపై ప్రసారమయ్యే సీరియల్స్ అన్నీ కూడా ఒకే కాన్సెప్ట్ తో ప్రేక్షకుల ముందుకు వస్తున్నాయి. సీరియల్లో ఒక వ్యక్తి కోసం ఇద్దరు అమ్మాయిలు పోట్లాడటం ఇద్దరు తనని సొంతం చేసుకోవాలని ప్రయత్నించడం వంటి కాన్సెప్ట్ తోనే సీరియల్స్ ప్రేక్షకుల ముందుకు వస్తున్నాయి. ఇకపోతే ఒకసారి పెళ్లైన మహిళ భర్తతో విడాకులు తీసుకొని విడిపోతే రెండవ పెళ్లి చేసుకోవడం గురించి చూపించడంతో దానిని తప్పుగా ప్రేక్షకులు పరిగణిస్తున్నారు.
ఈ క్రమంలోనే స్టార్ మాలో ప్రసారమయ్యే ఇంటింటి గృహలక్ష్మి సీరియల్ కథ కూడా ఇలాంటిదే నందుతో పెళ్లి చేసుకుని ముగ్గురు పిల్లలకు తల్లి అయినటువంటి తులసి తనకు విడాకులు ఇచ్చి ఒంటరిగా తన జీవితాన్ని ముందుకు నడిపిస్తున్న సమయంలో సామ్రాట్ (ఇంద్రనీల్) ఆమె జీవితంలోకి వచ్చారు.ఇక వీరిద్దరి మధ్య ఉన్న రిలేషన్ చూస్తుంటే త్వరలోనే దర్శకుడు వీరిద్దరికి వివాహం చేస్తారనే ఆలోచన సగటు ప్రేక్షకుడికి కూడా కలుగుతుంది.
ఈ క్రమంలోనే ఇంద్రనీల్ బయట ఎక్కడ కనిపించినా తాను తులసిని రెండవ పెళ్లి చేసుకోవద్దని ఫ్రెండ్ గానే ఉండండి తనకు సలహాలు ఇస్తున్నారు. ఈ క్రమంలోనే ఈ విషయంపై ఓ ఇంటర్వ్యూలో పాల్గొన్నటువంటి ఇంద్రనీల్ మాట్లాడుతూ మనం 2022లో ఉన్నాము ఇప్పుడు కూడా రెండో వివాహాన్ని స్వాగతించకపోతే ఎలా అంటూ ఈయన సంచలన వ్యాఖ్యలు చేశారు.
Actor Indraneel: ప్రతి ఒక్కరికి స్వేచ్ఛను ఇవ్వాలి..
ఒకసారి పెళ్లయిన తర్వాత వారి మనసులు కలవక వారికి ఇష్టం లేకుండా విడిపోతే వారు రెండో పెళ్లి ఎందుకు చేసుకోకూడదు.. ఇలా రెండవ పెళ్లి చేసుకోవడానికి ఎందుకు తప్పుగా పరిగణిస్తున్నారు అంటూ ఈయన ప్రశ్నించారు. ప్రతి వ్యక్తి తన జీవితాన్ని సంతోషంగా గడిపే హక్కు అతనికి ఉంటుంది. వారి జీవితాన్ని వారికి ఇష్టం వచ్చినట్టు బ్రతికే స్వేచ్ఛ కల్పించాలి ఒక వ్యక్తి వారికి నచ్చిన వ్యక్తితో ఉండటం తప్పేం కాదు అంటూ ఈయన చేసినటువంటి ఈ వ్యాఖ్యలు సోషల్ మీడియాలో వైరల్ కావడంతో ఎంతో మంది అభిమానులు ఈయన వ్యాఖ్యలపై స్పందిస్తూ ఈయన మాటలు చూస్తుంటే దర్శకుడు త్వరలోనే తులసికి సామ్రాట్ కి పెళ్లి చేసేలా ఉన్నారు అంటూ కామెంట్లు చేస్తున్నారు.
