Actor Kantharao Daughter Susila : జానపద సినిమాలో కత్తి యుద్ధాలు చేసే హీరో అనగానే గుర్తొచ్చే హీరో కాంతారావు. ఆయన పూర్తి పేరు తాడేపల్లి లక్ష్మీకాంతరావు. అయన నాటకాలల్లో ప్రసిద్ధి చెంది ఆ తరువాత సినిమాల వైపు వచ్చారు. అనేక జానపద, సాంఘిక చిత్రలాల్లో నటించిన ఆయన దాదాపు 100 సినిమాలలో హీరోగా నటించారు. ఇక మిగిలిన సినిమాల్లో క్యారెక్టర్ ఆర్టిస్ట్ గాను అలాగే విలన్ గాను నటించారు. ముఖ్యంగా నారద పాత్రలో బాగా ఫేమస్ కాంతారావు గారు. ఎన్టీఆర్ తో సమానంగా పౌరాణిక జానపదాలలో నటించిన ఆయన అప్పటి సమకాలిన నటులైన ఎన్టీఆర్ ఏఎన్ఆర్ తో సమానమైన క్రేజ్ ను సంపాదించుకున్నారు.
మోహన్ బాబు కాళ్ళు పట్టుకున్నారు…
ఇక ఆయన మరణించి చాలా ఏళ్లు గడచినా ఆయన కూతురు సుశీల ఇంకా ఆయన ఉనికిని ఇండస్ట్రీ కాపాడాలంటూ పోరాడుతున్నారు. ఆయనకు ఫిల్మ్ ఇండస్ట్రీ కనీసం ఇల్లు కూడా ఇవ్వలేదంటూ ఆయన కోరిక తీరకుండానే పోయారంటూ చెప్పారు. ఇక ఆవిడ తన తండ్రి గురించి మాట్లాడుతూ రజనీకాంత్ వంటి వారు ఆయనకు అభిమానులు అంటూ కాళ్ళకు నమస్కారం చేసేవారని గుర్తుచేసుకున్నారు.
ఇక బాలకృష్ణ గారి సినిమా పాండురంగడు లో మోహనబాబు గారు ఒక వేషం వేసారు, అందులో ఆయన ఒకరి కాళ్ళను పట్టుకునే సీన్ ఉంది. అయితే ఆయన ఎవరి కాళ్ళు పట్టుకోనని చెప్పి కాంతారావు గారు అయితే చేస్తాను ఆయన కాళ్ళు పట్టుకుంటాను అని చెప్పారట. అలా ఎవరి కాళ్లు పట్టుకోని మోహన్ బాబు మా నాన్న గారి కాళ్ళు పట్టుకున్నారు అంటూ సుశీల చెప్పారు.
