Actor Madhunandan: సాధారణంగా సినిమాలపై ఉన్న ఆసక్తితో ఎంత గొప్ప స్థాయిలో ఉన్న కూడా ఇండస్ట్రీ లోకి ఎంట్రీ ఇస్తారు అనే సంగతి మనకు తెలిసిందే. ఈ క్రమంలోనే సినిమాలపై ఉన్న ఆసక్తితో ఏకంగా గూగుల్ లో జాబ్ వదిలేసి మరీ సినిమాల్లోకి ఎంట్రీ ఇచ్చారని నటుడు మధునందన్ తెలిపారు.తాజాగా ఒక యూట్యూబ్ ఛానల్ ఇంటర్వ్యూలో పాల్గొన్న ఆయన పలు ఆసక్తికరమైన విషయాలను వెల్లడించారు.
తన తల్లిదండ్రులు బాగా చదువుకొని మంచి జాబ్ చేయాలని ఆశపడ్డారు. అయితే తాను కూడా అలాగే మంచి జాబ్ చేశానని అయితే సినిమాలపై ఉన్న ఆసక్తితో జాబ్ వదులుకున్నానని ఆయన తెలిపారు. ఇక పోతే తన భార్య కూడా ఎంబీఏ గ్రాడ్యుయేషన్ పూర్తి చేశారని ఇండస్ట్రీలోకి వచ్చిన తర్వాత ఏదైనా సమస్య వస్తే తన భార్య జాబ్ చేయడానికి సిద్ధంగా ఉందని తెలిపారు.
ఒకేసారి రెండు పడవలపై ప్రయాణం చేయడం మంచిది కాదని అందుకే తాను ఉద్యోగం మానేసి ఇండస్ట్రీ వైపు వచ్చానని ఆయన తెలిపారు. ఇక తనతోపాటు లిరిక్ రైటర్ కృష్ణచైతన్య ఇద్దరం మంచి స్నేహితులం అని మేము ఏడాదిపాటు కృష్ణానగర్లో ఒకే ఇంట్లో అద్దెకు ఉండే వాళ్ళమని తెలిపారు. ఇకపోతే కొన్నిసార్లు వాళ్ళు అనుకున్న పాత్రలో మనం సెట్ కాకపోతే ఆటోమెటిగ్గా సినిమాలలో మనల్ని తీసుకోరనే విషయాన్ని ఆయన ప్రస్తావించారు.
ఆయన సెట్లోనే కొడతారు..
ఇకపోతే తనకు ఎన్టీఆర్ నటించిన స్టూడెంట్ నెంబర్ వన్ అదేవిధంగా, తేజ గారి నువ్వు నేను రెండు ఒకేసారి తనకు ఆఫర్స్ వచ్చాయని తెలిపారు. ఈరోజు ఉదయం ఎన్టీఆర్ స్టూడెంట్ నెంబర్ వన్ సినిమా షూటింగ్లో పాల్గొన్నాను సాయంత్రం తేజ గారు నుంచి ఫోన్ వచ్చింది. ఏం చేయాలో దిక్కు తెలియలేదు తేజ గారు కాదంటే పిచ్చి కుక్కను కొట్టినట్టు కొడతారనే భయం ఉండేది. అందుకే రాజమౌళి గారికి చెప్పకుండా ఆయనకు భయపడి ఎన్టీఆర్ సినిమా స్టూడెంట్ నెంబర్ వన్ సెట్ లో నుంచి పారిపోయానని ఈ సందర్భంగా మధునందన్ తనకు ఎదురైన సంఘటన గురించి చెప్పుకొచ్చారు.
