Ntr: జూనియర్ ఎన్టీఆర్ నందమూరి వారసుడిగా ఇండస్ట్రీలో పేరు ప్రఖ్యాతలు సంపాదించుకున్నారు. ఇక మొదటి నుంచి కూడా ఎన్టీఆర్ ను నందమూరి ఫ్యామిలీ దూరం పెడుతూనే వస్తున్నారు. ఇలా నందమూరి కుటుంబానికి దూరంగా ఉన్నటువంటి ఎన్టీఆర్ వారి వ్యక్తిగత విషయాలలో కానీ లేదంటే రాజకీయాల పరంగా ఎక్కడ కూడా స్పందించలేదు.
గతంలో చంద్రబాబు నాయుడు అరెస్ట్ అయినప్పుడు కూడా ఎన్టీఆర్ స్పందించలేదు అలాగే ఎన్నికల సమయంలో కూడా తెలుగుదేశం పార్టీకి మద్దతుగా ఈయన మాట్లాడకపోవడంతో కొంతమంది తెలుగుదేశం నేతలు ఆగ్రహం వ్యక్తం చేశారు కానీ కూటమి అధికారంలోకి వచ్చిన తర్వాత కూటమి సభ్యులను అభినందిస్తూ ఈయన ట్వీట్ చేసారు.
ఇక వీరికి అభినందనలు తెలుపుతూ కుటుంబ సభ్యుడిగా కాకుండా సినిమా ఇండస్ట్రీ తరఫున ఈయన ఒక నటుడుగా వారికి అభినందనలు తెలిపారని తెలుస్తోంది. అయితే చంద్రబాబుకి అభినందనలు తెలిపిన ఈయన ఆయన ప్రమాణ స్వీకారానికి వస్తారా రారా ఆహ్వానం అందిందా లేదా అన్న విషయంపై సర్వత్రా ఆసక్తి నెలకొంది.
నందమూరి కుటుంబానికి దూరంగా ఉన్నారు…
ఈ క్రమంలోనే చైతన్య కృష్ణ ఈ విషయంపై మాట్లాడుతూ చేసిన వ్యాఖ్యలు వైరల్ అవుతున్నాయి. కుటుంబం అంటే సంతోషాలలో మాత్రమే కాదు బాధలలో కూడా ఒకటవ్వాలని ఈయన తెలిపారు. ఇక ఎన్టీఆర్ మామయ్య ప్రమాణ స్వీకారానికి వస్తారో రారో తెలియదు ఇటీవల కాలంలో ఆయన నందమూరి కుటుంబానికి అలాగే కుటుంబ శుభకార్యాలకు దూరంగా ఉంటున్నారు ఒకవేళ పిలిచిన అతను రాడు అంటూ నందమూరి కుటుంబ చైతన్యకృష్ణ చేసిన ఈ కామెంట్స్ వైరల్ అవుతున్నాయి.
