Actress Hari Priya: సినిమా ఇండస్ట్రీలో ఉన్న సెలెబ్రెటీలు ప్రేమలో పడటం పెళ్లిళ్లు చేసుకోవడం విడిపోవడం అనేది సర్వసాధారణంగా జరుగుతూ ఉంటాయి. అయితే కొందరు తమ బంధాన్ని పదిలంగా కాపాడుకుంటూ ఉండగా మరికొందరు కొన్ని కారణాలవల్ల వారి బంధాన్ని కొద్ది రోజులకే పెటాకులుగా మార్చుకుంటూ ఉంటారు.అయితే ఈ మధ్యకాలంలో వరుసగా సెలబ్రిటీలు పెళ్లిళ్లు చేసుకొని కొత్త జీవితంలోకి అడుగుపెడుతున్నారు.
ఇప్పటికే ఎంతో మంది సెలెబ్రిటీలు పెళ్లి చేసుకొని ఒకటి కాగా తాజాగా మరో జంట కూడా పెళ్లి వైపు అడుగులు వేస్తున్నట్లు సమాచారం. కన్నడ చిత్ర పరిశ్రమలో నటినటులుగా కొనసాగుతున్నటువంటి హరిప్రియ, ‘కె.జి.యఫ్’ లో హీరోయిన్ శ్రీనిధి శెట్టి బ్రదర్ కమల్ క్యారెక్టర్ లో నటించిన వశిష్ట సింహ ఇద్దరు కూడా గత కొంతకాలంగా ప్రేమలో ఉన్నారని తెలుస్తోంది.
ఇలా హరిప్రియ తెలుగులో కూడా ఎన్నో సినిమాలలో నటించి సందడి చేశారు. ఈ క్రమంలోనే వీరిద్దరూ రహస్యంగా ప్రేమలో ఉండి ఎట్టకేలకు పెళ్లి చేసుకోబోతున్నారనే వార్తలు వచ్చాయి. ఇలా వీరిద్దరూ తాజాగా బెంగుళూరు ఎయిర్పోర్ట్ లో ఒకరి చెయ్యి మరొకరు పట్టుకొని కెమెరాల కంటికి చిక్కడంతో ఈ విషయం బయటపడింది.
Actress Hari Priya డిసెంబర్ మొదటి వారంలో నిశ్చితార్థం…
ఇక వీరి వ్యవహారం గురించి ఆరా తీయగా వీరిద్దరూ గత కొన్ని రోజులుగా ప్రేమలో ఉన్నారని డిసెంబర్ మొదటి వారంలో వీరిద్దరూ ఘనంగా నిశ్చితార్థం జరుపుకొని వచ్చే ఏడాది పెళ్లి చేసుకోబోతున్నారని తెలుస్తోంది.ఇలా డిసెంబర్ ఫస్ట్ వీక్ నిశ్చితార్థం ఉండడం వల్ల ఈ దంపతులు షాపింగ్ కోసం దుబాయ్ వెళ్లి తిరిగి బెంగుళూరు ఎయిర్పోర్ట్ లో ఇలా మీడియా కంటికి చిక్కారని సమాచారం.మరి ఈ నటీనటుల గురించి వస్తున్నటువంటి ఈ వార్తలలో ఎంతవరకు నిజం ఉందో తెలియాల్సి ఉంది.
