Actress Jayasudha: పెళ్లి విషయంలో ఈ మధ్యకాలంలో ప్రతి ఒక్కరు చాలా విభిన్నంగా ఆలోచిస్తున్నారు పెళ్లికి వయసుతో సంబంధం లేదని పెళ్లి చేసుకోవడానికి మనం మనసు పడిన వ్యక్తి మన మనసును అర్థం చేసుకున్న వ్యక్తి దొరికితే చాలు వయసుతో సంబంధం లేదని చాలామంది నటీనటులు లేటు వయసులో ప్రేమలో పడి పెళ్లిళ్లు చేసుకోవడానికి సిద్ధమవుతున్నారు.
ఈ క్రమంలోనే ఇప్పటికే ఎంతోమంది కొన్ని కారణాలవల్ల ఒంటరి జీవితాన్ని గడుపుతూ లేటు వయసులో వైవాహిక జీవితంలోకి అడుగుపెడుతున్న విషయం మనకు తెలిసిందే. ఈ క్రమంలోనే తాజాగా జయసుధ కూడా రెండో పెళ్లి చేసుకోవడానికి సిద్ధమైందంటూ వార్తలు వస్తున్నాయి. గత కొన్ని సంవత్సరాలు క్రితం తన భర్త చనిపోవడంతో ఈమె ఒంటరిగా ఉండలేక రెండో పెళ్లికి సిద్ధమైందని గత కొద్దిరోజులుగా సోషల్ మీడియాలో వార్తలు వస్తున్నాయి.
ఇలా జయసుధ ఆరుపదుల వయసులో రెండో పెళ్లికి సిద్ధమైందని ఇప్పటికే ముహూర్తాలు కూడా పెట్టుకున్నారు అంటూ వార్తలు వస్తున్నాయి.ఈ క్రమంలోనే ఈ వయసులో రెండో పెళ్లి అవసరమా అంటూ పలువురు నెటిజెన్స్ జయసుధ పట్ల విమర్శలు కూడా చేశారు. తన రెండవ పెళ్లి గురించి వస్తున్నటువంటి ఈ వార్తలపై జయసుధ స్పందిస్తూ క్లారిటీ ఇచ్చారు.
Actress Jayasudha: అవన్నీ కేవలం పుకార్లు మాత్రమే..
ఈ సందర్భంగా జయసుధ మాట్లాడుతూ తాను రెండో పెళ్లి చేసుకోబోతున్నానని సోషల్ మీడియాలో వార్తలు వస్తున్నాయి. అయితే కొందరు నాపై ఇలాంటి తప్పుడు వార్తలను ప్రచారం చేస్తున్నారని ఆమె మండిపడ్డారు. తాను తన సెకండ్ ఇన్నింగ్స్ సినిమాలతో బిజీగా ఉన్నాను. ఇలా సినిమాలతో బిజీగా ఉంటే తనకు ఒంటరితనం అనే ఫీలింగ్ ఏ మాత్రం కలగదని తన రెండో పెళ్లి గురించి వస్తున్నటువంటి వార్తలను కొట్టి పారేశారు.
