Actress Ravali: ఒకానొక సమయంలో తెలుగు చిత్ర పరిశ్రమలో నటీమణులుగా ఎంతో మంచి గుర్తింపు సంపాదించుకున్న వారందరూ కూడా ప్రస్తుతం సినిమా ఇండస్ట్రీలో సెకండ్ ఇన్నింగ్స్ ప్రారంభించి వరుస సినిమాలతో ఎంతో బిజీగా ఉన్నారు. ఇలా రమ్యకృష్ణ, ఆమని, రోజా, ఇంద్రజ, మీనా వంటి వారందరూ కూడా ఇప్పటికే సెకండ్ ఇన్నింగ్స్ ప్రారంభించి వరుస సినిమాలు చేస్తూ ప్రేక్షకులను సందడి చేస్తున్నారు.
వీటితో పాటు హీరోయిన్ గా తెలుగు తమిళ మలయాళ హిందీ భాషలలో ఎన్నో సూపర్ హిట్ సినిమాలలో నటించి ఎంతో మంచి గుర్తింపు సంపాదించుకున్న నటి రవళి గురించి అందరికీ సుపరిచితమే. ఈమె ఎంతో మంది స్టార్ హీరోల సినిమాలలో నటించి ఎంతో మంచి ఆదరణ పొందారు. అయితే ఈమె 2007వ సంవత్సరంలో నీలి కృష్ణ అనే వ్యక్తిని వివాహం చేసుకున్నారు.
వివాహం తర్వాత రవళి పూర్తిగా ఇండస్ట్రీకి దూరమయ్యారు.అయితే ఈమె పెళ్లి అనంతరం ఇండస్ట్రీకి దూరం అవ్వడమే కాకుండా ఎక్కడా కూడా ఇంటర్వ్యూలలో కానీ సోషల్ మీడియాలో కానీ యాక్టివ్ గా లేరు. దీంతో రవళి గురించి దాదాపు అభిమానులు మర్చిపోతున్న క్రమంలో ఈమె తిరుపతిలో సందడి చేశారు.
Actress Ravali: తిరుమలలో సందడి చేసిన రవళి…
ఇటీవల కాలంలో ఈమె తిరుమల శ్రీవారిని దర్శించుకోవడం కోసం తిరుపతి చేరుకున్నారు. అయితే స్వామివారి దర్శనం అనంతరం రవళి మీడియా కంటపడింది. దీంతో ఫోటోగ్రాఫర్లు ఈమెను ఒక్కసారిగా తమ కెమెరాలలో బంధించారు.ఇక రవళి తాజా ఫోటోలను సోషల్ మీడియాలో షేర్ చేయడంతో ఒక్కసారిగా ఈమె ఫోటోలు చూసినటువంటి అభిమానులు షాక్ అయ్యారు. అధిక శరీర బరువుతో రవళి ఉండడంతో రవళి ఏంటి ఇలా మారిపోయారనీ అభిమానులు షాక్ అవుతున్నారు. ఏది ఏమైనా చాలా రోజుల తర్వాత రవలిని ఇలా చూడటం సంతోషంగానే ఉందని అభిమానులు అభిప్రాయపడుతున్నారు.
