Adivi Sesh: ఘనంగా హీరో అడివి శేష్ సోదరి వివాహం… వైరల్ అవుతున్న హల్దీ ఫొటోలు!

0
54

Adivi Sesh: తెలుగు చిత్ర పరిశ్రమలో ఎంతో విభిన్నమైన కథ చిత్రాలను ఎంపిక చేసుకొని వరుస హిట్ సినిమాలతో ఎంతోమంది అభిమానులను సంపాదించుకున్న వారిలో నటుడు అడివి శేష్ ఒకరు. తాజాగా ఈయన మేజర్, హిట్ 2వంటి సినిమాల ద్వారా ప్రేక్షకుల ముందుకు వచ్చారు. ఈ రెండు సినిమాలు కూడా ఎంతో అద్భుతమైన విజయాన్ని అందుకున్నాయి.

ఇక ప్రస్తుతం అడివి శేష్ గూఢచారి 2 సినిమా షూటింగ్ పనులతో బిజీగా ఉన్నారు.ఇదిలా ఉండగా సినిమాలతో ఎంతో బిజీగా ఉండే ఈయన సోషల్ మీడియాలో కూడా ఎంతో యాక్టివ్ గా ఉంటారు. ఈ క్రమంలోనే సోషల్ మీడియా వేదికగా అన్ని విషయాలను అభిమానులతో పంచుకొనే శేష్ తాజాగా తన సోదరీ వివాహ వేడుకలకు సంబంధించిన ఫోటోలను కూడా అభిమానులతో పంచుకున్నారు.

శేష్ సోదరి పేరు షెర్లీ ఈమె అమెరికాలో డాక్టర్. ఈమె అమెరికన్ ను ప్రేమించి పెళ్లి చేసుకోబోతుందని తెలుస్తుంది. ఈమె వివాహం జనవరి 26వ తేదీ ఎంతో అంగరంగ వైభవంగా జరగనుంది. ఇప్పటికే ఈమె పెళ్లికి సంబంధించిన ఫ్రీ వెడ్డింగ్ సెలబ్రేషన్స్ కూడా మొదలయ్యాయి. ఈ క్రమంలోనే హల్దీ వేడుకలలో భాగంగా శేష్ తన సోదరి తల్లితో కలిసి ఎంతో సంతోషంగా సెలబ్రేట్ చేసుకున్నారు.

Adivi Sesh: మనస్ఫూర్తిగా మా ఫ్యామిలీలోకి ఆహ్వానిస్తున్నాం…

ఇక ఈ హల్దీ వేడుకలకు సంబంధించిన ఫోటోలను ఈయన షేర్ చేస్తూ…. బావ డెవిన్ గుడ్రిచ్ ను మనస్ఫూర్తిగా మా ఫ్యామిలీలోకి స్వాగతిస్తున్నాము అంటూఈ ఫోటోలను షేర్ చేశారు. ప్రస్తుతం ఈ ఫోటోలు వైరల్ గా మారాయి. ఇక ఈ హల్ది వేడుకలలో భాగంగా మరొక కమెడియన్ వెన్నెల కిషోర్ కూడా పాల్గొన్నట్టు తెలుస్తోంది. ఈ ఫోటోలు చూసినటువంటి ఎంతోమంది అభిమానులు మరి నీ పెళ్ళెప్పుడు అన్నా అంటూ కామెంట్లు చేస్తున్నారు.