తెలుగు సినిమా ఇండస్ట్రీలో అక్కినేని కుటుంబానికి నందమూరి కుటుంబానికి ఉన్న క్రేజ్ గురించి ప్రత్యేకంగా చెప్పాల్సిన పనిలేదు. ఈ రెండు కుటుంబాల మధ్య ఉన్న అనుబంధం ఇప్పటిది కాదు. అప్పట్లో నాగేశ్వరరావు ఎన్టీఆర్ ఎన్నో సినిమాలలో కలిసి నటించడం వల్ల ఈ రెండు కుటుంబాల మధ్య ఎంతో సఖ్యత ఏర్పడింది.
ఇలా నాగేశ్వరావు వారసుడిగా ఇండస్ట్రీలోకి వచ్చిన నాగార్జున,నందమూరి వారసుడిగా ఇండస్ట్రీ లోకి అడుగుపెట్టిన బాలకృష్ణ మధ్య కూడా ఇదే స్నేహ భావం ఏర్పడింది. అయితే ఇలా ఒకరికొకరు ఎంతో సన్నిహితంగా ఉన్న ఈ రెండు కుటుంబాలు ఒకానొక సమయంలో వియ్యంకులుగా మారాలని భావించారట. ఈ విషయాన్ని అప్పట్లో నాగేశ్వరరావు ఓ సందర్భంలో బయటపెట్టారు.
నాగార్జున వారసుడిగా ఇండస్ట్రీలోకి అడుగుపెట్టిన నాగచైతన్య కెరీర్ మొదట్లో ఎన్నో అద్భుతమైన సినిమాలలో నటించి మంచి గుర్తింపు తెచ్చుకున్నాడు. ఈ క్రమంలోనే బాలకృష్ణ రెండవ కూతురునీ ఇచ్చి నాగచైతన్యకు వివాహం చేయాలని భావించారట. అప్పట్లో ఈ విషయం గురించి పెద్ద ఎత్తున చర్చలు కూడా జరిగాయని సమాచారం.
అయితే ఆ సమయంలో నాగచైతన్య ఏం మాయ చేసావే సినిమా ద్వారా సమంతతో ప్రేమలో పడటం వల్ల ఈ విషయం తెలిసిన ఇరు కుటుంబాల పెద్దలు వీరి పెళ్లి ప్రస్తావనను అంతటితో ఆపివేశారనీ సమాచారం. ఇలా వియ్యంకులుగా మారాల్సిన ఈ స్టార్ హీరోలు వారి పెళ్లి జరగకపోవడంతో ఇప్పటికీ ఇండస్ట్రీలో మంచి స్నేహితులుగా ఉండిపోయారు.
