Ali – Prakash Raj: ప్రస్తుతం పెద్దల సభ రాజ్యసభ నుంచి నలుగురు ఎంపీలు పదవీ విరమణ పొందడంతో ఎంపీ పదవులకోసం పలువురు రేసులో ఉన్నట్లు తెలుస్తోంది. ఈ క్రమంలోనే రెండు తెలుగు రాష్ట్రాల నుంచి ఎంపీ రేసులో నటుడు అలీ, విలక్షణ నటుడు ప్రకాష్ రాజ్ పేర్లు బలంగా వినబడుతున్నాయి.ఇక వీరిద్దరి పేర్లు దాదాపు ఖరారు కావడంతో ఈ విషయం హాట్ టాపిక్ గా మారింది.
ఇక ఆంధ్రప్రదేశ్ రాష్ట్ర రాజకీయాలలో సుదీర్ఘ కాలం నుంచి ఎంతో చురుగ్గా ఉన్నటువంటి నటుడు అలీ గత ఎన్నికలలో భాగంగా వైఎస్ఆర్సిపి పార్టీకి పెద్ద ఎత్తున ప్రచారం చేస్తూ పార్టీకి తన మద్దతు తెలియజేశారు.ఈ క్రమంలోనే అలీకి పార్టీ నుంచి ఒక కీలకమైన పదవి వస్తుందని ప్రతి ఒక్కరు భావించారు.
ఇలా ఏపీ ప్రభుత్వంతో చలన చిత్ర పరిశ్రమకు ఉన్న సమస్యను పరిష్కరించడం కోసం సినీ పెద్దలు ముఖ్యమంత్రిని కలిసిన సమయంలో కూడా పార్టీ తరఫున ఈ సమావేశానికి హాజరయ్యారు.ఇలా ఆహ్వానం లేకుండా అలీ అక్కడ కనిపించడంతో ఆయన పార్టీ పరంగా ఈ సమావేశానికి హాజరయ్యారు అని అందరూ భావించారు.
త్వరలో అధికారిక ప్రకటన…
ఇక సినీ పెద్దలతో ముఖ్యమంత్రి సమావేశం జరిగిన కొద్ది రోజులకే ఆలీ అతని భార్య జుబెదా ఇద్దరు కలిసి ముఖ్యమంత్రిని కలిశారు.ఇలా ముఖ్యమంత్రిని కలిసిన అనంతరం మీడియాతో మాట్లాడుతూ త్వరలోనే కేంద్ర ప్రధాన కార్యాలయం నుంచి శుభవార్త అందుతుందని తెలిపారు. దీంతో ఆంధ్రప్రదేశ్ ప్రభుత్వం నుంచి మైనారిటీ కేటగిరిలో అలీ రాజ్యసభకు వెళ్తున్నట్లు క్లారిటీ వచ్చింది. ఇక తెలంగాణలో కూడా కెసిఆర్ పార్టీకి మద్దతు తెలుపుతూ ప్రకాష్ రాజ్ రాజకీయాలలో ఎంతో చురుగ్గా ఉన్నారు. ఈ క్రమంలోనే తెలంగాణ నుంచి ఎంపీ రేసులో ప్రకాష్ రాజ్ పేరు వినబడుతుంది. త్వరలోనే ఈ విషయం గురించి రెండు రాష్ట్రాల ముఖ్యమంత్రులు కూడా అధికారికంగా తెలియజేయనున్నారని సమాచారం.
