Allu Arjun: సుకుమార్ అల్లు అర్జున్ కాంబినేషన్లో ప్రేక్షకుల ముందుకు వచ్చిన పుష్ప సినిమా ఎలాంటి సక్సెస్ అందుకున్నదో మనకు తెలిసిందే. పాన్ ఇండియా స్థాయిలో ఎంతో మంచి సక్సెస్ అందుకున్నటువంటి ఈ సినిమా అల్లు అర్జున్ కు ఎంతో మంచి క్రేజ్ తీసుకువచ్చింది. ఇకపోతే తాజాగా భారత ప్రభుత్వం 69వ జాతీయ అవార్డులను ప్రకటించిన సంగతి మనకు తెలిసిందే.
ఈ జాతీయ అవార్డుల జాబితాలో భాగంగా తెలుగు సినిమాలు సత్తా చాటుకున్నాయి. పుష్ప సినిమా ఏకంగా ఆరు విభాగాలలో జాతీయ అవార్డులను అందుకోవడం విశేషం అదేవిధంగా ఉత్తమ జాతీయ చిత్రంగా ఉప్పెన సినిమా అవార్డు సొంతం చేసుకుంది. ఇక ఉత్తమ జాతీయ నటుడుగా అల్లు అర్జున్ ఈ అవార్డుకు ఎంపిక అయ్యారు.
ఈ విధంగా అల్లు అర్జున్ ఉత్తమ నటుడిగా అవార్డును సొంతం చేసుకోవడంతో అల్లు కాంపౌండ్ లో పెద్ద ఎత్తున సంబరాలు మొదలయ్యాయి. అల్లు అర్జున్ ఇంటికి పుష్ప కుటుంబ సభ్యులందరూ చేరుకొని సంబరాలు చేసుకున్నారు. ఈ క్రమంలోనే డైరెక్టర్ సుకుమార్ ఈ సందర్భంగా కాస్త ఎమోషనల్ అయ్యారు.
Allu Arjun: సంతోషంతో ఎమోషనల్ అయినా సుకుమార్…
అల్లు అర్జున్ ఇంటికి చిత్ర బృందం చేరుకోవడంతో పెద్ద ఎత్తున సంతోషం వెల్లు విరిసింది. ఈ క్రమంలోనే సుకుమార్ బన్నీని కౌగిలించుకొని సంతోషంలో ఒక్కసారిగా ఎమోషనల్ అవుతూ కన్నీళ్లు పెట్టుకున్నారు. ఇలా చిత్ర బృందం మొత్తం అల్లు అర్జున్ ఇంట్లో చేసుకున్నటువంటి సంబరాలకు సంబంధించిన వీడియోలు ఫోటోలు ప్రస్తుతం వైరల్ అవుతున్నాయి.
