Allu Arjun: అల్లు అర్జున్ పుష్ప 2 సినిమా కోసం దేశవ్యాప్తంగా ఎంతో మంది అభిమానులు ఆసక్తిగా ఎదురుచూస్తున్నారు. ఇక ఈ సినిమా డిసెంబర్ ఐదవ తేదీ పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో ప్రమోషన్ కార్యక్రమాలను కూడా నిర్వహిస్తున్నారు. ఇదిలా ఉండగా ఈ సినిమా షూటింగ్ ఇంకా పూర్తి కాలేదంటూ మరో వార్త సోషల్ మీడియాలో కూడా వైరల్ అవుతుంది.
ఇంకా కొంత భాగం షూటింగ్ ఉందని ఎడిటింగ్ వర్క్స్ అన్ని పూర్తి కావని అందుకే మరోసారి ఈ సినిమా వాయిదా పడే అవకాశాలు ఉన్నాయి అంటూ వార్తలు వస్తున్న నేపథ్యంలో అల్లు అర్జున్ స్పందించారు. ఈ సందర్భంగా ఈ సినిమా షూటింగ్ పూర్తి కావడంతో ఇందుకు సంబంధించిన విషయాన్ని ఈయన సోషల్ మీడియా వేదికగా షేర్ చేశారు.
ఇలా సినిమా షూటింగ్ లో భాగంగా ఓ పెళ్లి సన్నివేశాన్ని చిత్రీకరిస్తున్నటువంటి ఫోటోలు ఈయన షేర్ చేస్తూ పుష్ప లాస్ట్ డే షూట్ అంటూ షేర్ చేశారు. పుష్ప యూనిట్ తో ఐదేళ్ల ప్రయాణం నేటితో ముగిసింది. ఇదొక అద్భుతమైన ప్రయాణం అంటూ ఈయన లవ్ సింబల్ తో ఈ ఫోటోని షేర్ చేయడమే కాకుండా ఈ సినిమా షూటింగ్ పూర్తి అయ్యింది అంటూ కూడా క్లారిటీ ఇచ్చారు.
Allu Arjun: వైల్డ్ ఫైర్..
ఇక ఈ సినిమా గంధపు చెక్కల స్మగ్లింగ్ నేపథ్యంలో ప్రేక్షకుల ముందుకు రాబోతోంది. ఇక ఈ సినిమా పట్ల ఇప్పటికే భారీ స్థాయిలో అంచనాలు కూడా ఏర్పడ్డాయి. డిసెంబర్ 5వ తేదీ థియేటర్లలో వైల్డ్ ఫైర్ చూపించడానికి పుష్పరాజ్ సిద్ధంగా ఉన్నారని చెప్పాలి. మరి ఈ సినిమా ప్రేక్షకులను ఎలా సందడి చేస్తుంది అనే విషయాలు తెలియాల్సి ఉంది..
