Allu Arjun: ఐకాన్ స్టార్ అల్లు అర్జున్ క్రియేటివ్ డైరెక్టర్ సుకుమార్ దర్శకత్వంలో తెరకెక్కిన పుష్ప చిత్రం పాన్ ఇండియా స్థాయిలో మంచి గుర్తింపు సంపాదించుకుంది. ఈ సినిమా అన్ని భాషలలో విడుదల అయ్యి అల్లు అర్జున్ మార్కెట్ అమాంతం పెంచేసిందని చెప్పాలి. పుష్ప సినిమా పాన్ ఇండియా స్థాయిలో మంచి గుర్తింపు సంపాదించుకోవడంతో అల్లు అర్జున్ కూడా భారీగా రెమ్యునరేషన్ పెంచినట్లు తెలుస్తోంది.
ఈ క్రమంలోనే పుష్ప సినిమా కోసం ఏకంగా 50 కోట్ల పారితోషికం తీసుకుంటున్నట్లు సమాచారం. ఈ సినిమా మంచి విజయం సాధించడంతో అల్లు అర్జున్ కు మంచి అవకాశాలు వస్తున్నాయి. అయితే వచ్చే నెల నుంచి అల్లు అర్జున్ పుష్ప పార్ట్ 2 చిత్రంలో పాల్గొనబోతున్నారు. ఈ సినిమాకి కూడా అల్లు అర్జున్ 50 కోట్లు పారితోషికం తీసుకోబోతున్నట్లు సమాచారం.
ఇక ఈ సినిమా తర్వాత అల్లు అర్జున్ కు భారీ ఆఫర్ వచ్చినట్లు తెలుస్తోంది. లైకా ప్రొడక్షన్ అల్లు అర్జున్ తదుపరి చిత్రం చేయాలని భావించారని సమాచారం. దీనికోసం లైకా ప్రొడక్షన్స్ అల్లు అర్జున్ కి ఏకంగా 75 కోట్ల పారితోషికాన్ని ఆఫర్ చేసినట్లు సమాచారం.
ప్రభాస్ తర్వాత అల్లు అర్జునే..
ఈ విధంగా లైకా ప్రొడక్షన్స్ బన్నీకి పెద్ద మొత్తంలో పారితోషికం ఆఫర్ చేయడంతో.. బన్నీ కూడా ఈ నిర్మాణ సంస్థలో పని చేయడానికి సిద్ధంగా ఉన్నట్లు తెలుస్తోంది. ఏదిఏమైనా అల్లు అర్జున్ ఒకేసారి తన క్రేజ్ అమాంతం పెంచుకున్నారని చెప్పవచ్చు.ఇలా అధిక మొత్తంలో రెమ్యూనరేషన్ తీసుకునే హీరోల విషయానికి వస్తే ప్రస్తుతం హీరోగా ప్రభాస్ అధిక మొత్తంలో రెమ్యూనరేషన్ తీసుకుంటున్నారు. ప్రభాస్ తర్వాత అధిక రెమ్యూనరేషన్ తీసుకునే వారిలో అల్లు అర్జున్ ముందు వరసలో ఉన్నారని చెప్పవచ్చు.
