Allu Arjun: ఐకాన్ స్టార్ అల్లు అర్జున్ హీరోగా నటించిన పుష్ప 2 సినిమా త్వరలోనే ప్రేక్షకుల ముందుకు రాబోతోంది. ఈ క్రమంలోనే ప్రమోషన్ కార్యక్రమాలను కూడా వేగవంతం చేశారు. ఇప్పటికే పలు నగరాలలో ఈ సినిమా వేడుకలను నిర్వహిస్తూ ప్రమోషన్ కార్యక్రమాలను చేస్తున్నారు. ఈ సినిమా విడుదలకు తక్కువ సమయం ఉండటమే కాకుండా సినిమాపై కూడా భారీ స్థాయిలో అంచనాలను పెంచేస్తున్నాయి.
ఇక అల్లు అర్జున్ నటించిన ఈ సినిమా నుంచి విడుదల చేసిన అప్డేట్స్ సినిమాపై భారీగానే అంచనాలు కలిగిస్తున్నాయి. ఈ క్రమంలోనే సినీ సెలబ్రిటీలతో పాటు అభిమానులు కూడా ఈ సినిమా కోసం ఎంతగానో ఎదురు చూస్తున్నారు. ఇదిలా ఉండగా తాజాగా అల్లు అర్జున్ కోసం విజయ్ దేవరకొండ ఒక స్పెషల్ గిఫ్ట్ పంపించారు.
విజయ్ దేవరకొండకు రౌడీ బ్రాండ్ కు చెందిన క్లాత్ బిజినెస్ ఉన్న విషయం మనకు తెలిసిందే. ఈ క్రమంలోనే ఈ బ్రాండ్ కి సంబంధించిన స్టోర్ నుంచి ఈయన ప్రత్యేకంగా రౌడీ పుష్ప అని టీ షర్ట్ పై డిజైన్ చేయించి మరి అల్లు అర్జున్ కోసం ఆ టీషర్ట్స్ కానుకగా పంపించారు. ఈ క్రమంలోనే అల్లు అర్జున్ ఈ టీషర్ట్స్ కి సంబంధించిన ఫోటోలను సోషల్ మీడియా వేదికగా షేర్ చేశారు.
Allu Arjun: టీ షర్ట్స్..
ఇలా ఈ ఫోటోలను షేర్ చేసిన అల్లు అర్జున్ మై స్వీటెస్ట్ బ్రదర్.. థాంక్యూ సో మచ్ ఫర్ యువర్ లవ్ అంటూ ఈయన రిప్లై ఇస్తూ షేర్ చేసిన ఈ పోస్ట్ ప్రస్తుతం వైరల్ అవుతుంది. ఇక ఈ సినిమాలో అల్లు అర్జున్ కి జోడిగా రష్మిక మందన్నా నటించిన విషయం మనకు తెలిసిందే. మరి డిసెంబర్ 5వ తేదీ ఫాన్ ఇండియా స్థాయిలో పుష్ప వైల్డ్ ఫైర్ చూపించడానికి సిద్ధంగా ఉన్నారని చెప్పాలి.
