Analyst Damu Balaji : ఏపీ లో సర్వేల లొల్లి… నెక్స్ట్ ఎలక్షన్ లో గెలిచే పార్టీ ఏది…: అనలిస్ట్ దాము బాలాజీ

0
181

Analyst Damu Balaji : ఏపీ రాజకీయాల్లో పొత్తులు మీదే చర్చలు జోరుగా జరుగుతుంటే ఇక ఎన్నికలు సమీపిస్తున్న వేల ప్రతి పార్టీ తమ బలాబలాలను తెలుసుకోడానికి సర్వేలను చేస్తుంటారు. అయితే ఈ సర్వేలో వచ్చే ఫలితం కూడా ఒక్కోసారి రాజకీయంగా వాడుకోడానికి చూస్తుంటారు మన నాయకులు. తాజాగా వచ్చే ఎన్నికలలో ఈ పార్టీకి మైలేజ్ ఉంది అంటూ కొన్ని సంస్థలు సర్వేలను ఇస్తున్నాయి. వాటిలో టైమ్స్ నౌ సర్వేలో జగన్ కి తిరుగులేదని క్లీన్ స్వీపర్ దిశగా అడుగులు పడబోతున్నాయని చెప్పగా రీసెంట్ గా మరో సంస్థ ఇండియన్ టీవీ, సిఎన్ఎన్ సర్వేలో జగన్ కి అధికారానికి డోకా లేకపోయినా సీట్లు తగ్గుతాయని చెబుతోంది.

ఏ సర్వేలను నమ్మాలి…

తన ఇమేజ్ తో 151 సీట్లను ఏపీలో కొల్లగొట్టిన జగన్ ఈ సారి 175 మనవే అనడం కొంత ఓవర్ గా ఉన్నా అది మైండ్ గేమ్ అంటూ అందరూ లైట్ తీసుకుంటున్నారు. అయితే జగన్ ఇమేజ్ ను పక్కనబేడితే నియోజకవర్గంలో ఎమ్మెల్యేల ఇమేజ్ ఏమాత్రం బాగోలేదని జగన్ సొంత సర్వేలో తేలింది. అందుకే గెలిచే గుర్రాలకే టికెట్లను ఇస్తున్నట్లు మిగిలిన వారికి క్లాస్ పీకుతున్నారట సీఎం. ఇక టీడీపీ ఒకవైపు పొత్తులతో వెళ్లాలా లేదా అనే మీమాంసలో ఉన్నా తాజాగా వచ్చిన ఇండియన్ టీవీ సిఎన్ఎన్ సర్వేలో జగన్ కి వోటింగ్ శాతం తగ్గుతోందని 46% వోటింగ్ శాతం ఉన్నట్లు చెప్పగా టీడీపీ కి 38% దాకా ఉన్నట్లు చెప్పింది. ఎంపీ సీట్ల విషయానికి వస్తే 18 దాకా వైవీపీ మిగిలిన 7 టీడీపీ ఖాతాలో ఉండొచ్చని తెలిపింది.

అయితే అంతకుముందు నెల క్రితం ఇచ్చిన టైమ్స్ నౌ సర్వేలో మొత్తం ఎంపీ సీట్లను వైసీపీ క్లీన్ స్వీప్ చేస్తుందని చెప్పగా ఆరు శతమానం వోటింగ్ వాళ్ళు చెప్పిన దానికంటే తక్కువ ఇండియన్ టైమ్స్ సర్వే చెబుతోంది. అయితే ఈ రెండు సర్వేలలోనూ జనసేన లేకుండా వైసీపీ, టీడీపీ గురించి ఉండగా టీడీపీ జనసేన పొత్తు పెట్టుకుంటే ఎలా ఉంటుంది, బీజేపీ ఎటువైపు నిలుస్తుంది వంటివి పరిగణలోకి తీసుకోలేదని, ఎవరికి అనుకూలంగా ఉన్న సర్వేలను వాళ్ళు తీసుకుంటుండగా ప్రతికూల సర్వేను ఆయన పార్టీనే చేయించుకుని జనాలతో మైండ్ గేమ్ ఆడుతోందని పార్టీలు ఆరోపిస్తున్నాయని బాలాజీ తెలిపారు.