Anchor Anasuya: అనసూయ పెద్దగా పరిచయం అక్కరలేని పేరు. ఇటు బుల్లి తెరపై అటు వెండితెరపై వెలిగిపోతుంది ఈ భామ. జబర్థస్త్ తో ఎనలేని గుర్తింపు తెచ్చుకుంది. తన అందం, అభినయంతో ప్రేక్షకులను కట్టిపడేస్తుంది. ముఖ్యంగా టీవీలో షోలతో పాపులారిటీ సంపాదించుకున్న అనసూయ… ప్రస్తుతం వెండితెరపై కూడా మెరుస్తోంది.
టీవీ షోలతో పాటు సినిమాల్లో కూడా రాణిస్తోంది. ఇప్పటికే పలు సినిమాల్లో ప్రత్యేక సాంగ్స్ లో నటించిన అనసూయ ప్రస్తుతం సినిమాల్లో కూడా మెరుస్తోంది. ఇప్పటికే తన అందచందాలతో, ఐటెం సాంగ్స్ లతో ఫ్యాన్స్ ను అలరించింది.
తాజాగా ఐకాన్ స్టార్ బన్నీ, సుకుమార్ క్రేజీ కాంబినేషన్ లో వచ్చిన పుష్ప సినిమాలో కీలక పాత్ర పోషించింది. ద్రాక్షాయణి క్యారెక్టర్ లో సునీల్ కు భార్యగా నటించింది. ఈ సినిమాలో మాస్ క్యారెక్టర్ తో అలరించింది. ఇదే కాకుండా రానున్న రోజుల్లో పలు క్రేజీ కాంబినేషన్లలో సినిమాల్లో నటిస్తుందని వార్తలు కూడా వినిపిస్తున్నాయి.
ఫోటోలు నెట్టింట్లో తెగ వైరల్..
ఇదిలా ఉంటే తాజాగా మేకప్ లేకుండా అనసూయ పోస్ట్ చేసిన ఫోటోలు నెట్టింట్లో తెగ వైరల్ అవుతున్నాయి. దీనిపై నెటిజెన్లు బాగానే స్పందిస్తున్నారు. మేకప్ లేకుండానే చాలా అందంగా ఉన్నావని కామెంట్లు పెడుతున్నారు. అనసూయ పెద్ద స్కామ్ చేసిందని… ఇన్నాళ్లు మేకప్ లో తన అందాన్ని దాచేసిందని కామెంట్లు పెడుతున్నారు. 38 సంవత్సరాల్లో కూడా అనసూయ అందం, ఫ్యాన్ ఫాలోయింగ్ తగ్గలేదు. ఇదిలా ఉంటే తాజాగా ఫ్యాన్స్ పెడుతున్న కామెంట్లపై అనసూయ ఏవిధంగా స్పందిస్తుందో చూడాలి మరి.
