Anchor Shyamala: తెలుగు సినీ ఇండస్ట్రీలో యాంకర్లుగా గుర్తింపు సంపాదించుకున్నటువంటి వారిలో శ్యామల ఒకరు. ఈమె కెరియర్ మొదట్లో సీరియల్ నటిగా పలు సీరియల్స్ చేశారు. అనంతరం యాంకర్ గా స్థిరపడ్డారు. ఇప్పటికీ పలు కార్యక్రమాలకు యాంకరింగ్ చేస్తూనే మరోవైపు సినిమాలలో కూడా నటిస్తూ ఉన్నారు.
ఇక శ్యామల చివరిగా విరూపాక్ష సినిమాలో నటించి ప్రేక్షకులను మెప్పించారు. ఇలా పలు సినిమాలలో నటిస్తూ ప్రేక్షకులను మెప్పిస్తున్నటువంటి శ్యామల తాజాగా ఒక ఇంటర్వ్యూలో పాల్గొన్నారు. ఈ ఇంటర్వ్యూ సందర్భంగా ఈమె కెరియర్ మొదట్లో తాను ఇండస్ట్రీలో ఎదుర్కొన్నటువంటి ఇబ్బందులను తెలియజేశారు. ఇండస్ట్రీలోకి వచ్చిన తర్వాత ప్రతి ఒక్కరు ఎన్నో రకాల ఇబ్బందులను ఎదుర్కొంటారు. అయితే తాను కూడా కాస్టింగ్ కౌచ్ బాధితురాలిని అంటూ ఈమె చేసినటువంటి కామెంట్స్ వైరల్ అవుతున్నాయి.
లవ్ ప్రపోజ్ చేశారు…
తాను తన తల్లితో కలిసి హైదరాబాద్ వచ్చి సీరియల్స్ లో నటిస్తున్న సమయంలో చాలామంది తనకు ప్రపోజ్ చేశారని, చాలామంది నన్ను విసిగించారని ఈమె తెలిపారు. ఇక నేను నటిస్తున్నటువంటి ఒక సీరియల్ కెమెరామెన్ అర్ధరాత్రి ఫోన్ చేసి విసిగించేవాడు ఒకరోజు అమ్మ ఫోన్ లిఫ్ట్ చేయగా ఇంట్లో అసలే మగదిక్కు లేరు. నేను ఏమైనా చేయగలను మీ కూతురు కనీసం నాతో మాట్లాడటం కూడా లేదు అంటూ వార్నింగ్ ఇచ్చారని శ్యామల తెలిపారు. ఆ దెబ్బతో నేను ఇండస్ట్రీ వదిలి వెళ్ళిపోవాలనుకున్నాను కానీ కొంతమంది చెప్పిన ధైర్యమే నన్ను ముందుకు నడిపించిందని శ్యామల చేసిన కామెంట్స్ వైరల్ అవుతున్నాయి.
