Anchor Suma: సుమ కనకాల పరిచయం అవసరం లేని పేరు.బుల్లితెర యాంకర్ గా ఎంతో పేరు ప్రఖ్యాతలు సంపాదించుకున్న సుమ కేవలం యాంకర్ గా మాత్రమే కాకుండా నటిగా కూడా పలు సినిమాలలో నటించారు. ఇక గత ఏడాది జయమ్మ పంచాయతీ అనే సినిమాలో ప్రధాన పాత్రలో సుమ నటించిన విషయం మనకు తెలిసిందే.
ఇలా యాంకర్ గా బుల్లితెర పై ప్రసారమవుతున్న ప్రతి ఒక్క ఛానల్ ద్వారా ప్రేక్షకులను ఎంటర్టైన్ చేస్తున్నటువంటి సుమ ప్రస్తుతం సినిమా ఈవెంట్లతో కూడా ఎంతో బిజీగా ఉన్నారు. సినిమాకు సంబంధించి ఏ ఈవెంట్ జరిగినా అక్కడ తప్పనిసరిగా సుమ ఉండాల్సిందే. ఇలా వారంలో ఏడు రోజులపాటు నిత్యం ఎంతో బిజీగా గడిపే సుమ తన యాంకరింగ్ విషయంలో షాకింగ్ డెసిషన్ తీసుకున్నట్లు తెలుస్తోంది.
సాధారణంగా ఏదైనా పండుగలు వచ్చిన స్పెషల్ డే వచ్చిన ఈటీవీ ఛానల్ ఎంతో ఘనంగా స్పెషల్ ఎపిసోడ్లను నిర్వహించే సంగతి మనకు తెలిసిందే.ఈ క్రమంలోనే నూతన సంవత్సరం కానుకగా వేర్ ఇస్ ద పార్టీ అనే కార్యక్రమాన్ని నిర్వహించారు. ఈ కార్యక్రమంలో భాగంగా ఎంతో మంది బుల్లితెర నటీనటులు జబర్దస్త్ కమెడియన్స్ పాల్గొని సందడి చేశారు.
Anchor Suma: బ్రేక్ ఇవ్వాలనుకున్నాను…
ఈ కార్యక్రమంలో భాగంగా యాంకర్ సుమకు సన్మానం చేశారు. అయితే ఈకార్యక్రమంలో సుమ మాట్లాడుతూ తాను కొద్ది రోజులపాటు యాంకరింగ్ కు బ్రేక్ ఇవ్వాలని నిర్ణయం తీసుకున్నానని తెలిపారు. బ్రేక్ ఇవ్వాలనుకుంటున్నాను అంటూ సుమ చేసినటువంటి ఈ కామెంట్ సోషల్ మీడియాలో వైరల్ కావడంతో అభిమానులు ఒక్కసారిగా షాక్ అయ్యారు. అయితే నిజంగానే సుమ యాంకరింగ్ కు బ్రేక్ ఇవ్వనుందా లేకపోతే ఎపిసోడ్ హైలైట్ కోసం ప్రోమో ఇలా కట్ చేశారా అనే విషయం తెలియాల్సి ఉంది.
