Anushka Shetty:తెలుగు సినిమా ఇండస్ట్రీలోకి సూపర్ సినిమా ద్వారా ఎంట్రీ ఇచ్చి అతి తక్కువ సమయంలోనే అగ్రతారగా ఎంతో పేరు ప్రఖ్యాతలు సంపాదించుకున్న నటి అనుష్క శెట్టి గురించి అందరికీ సుపరిచితమే. ఎంతో అద్భుతమైన నటనతో ఎంతోమంది ప్రేక్షకులను ఆకట్టుకున్న అనుష్క సినిమాలలోనే కాదు వ్యక్తిగత జీవితంలో కూడా ఎంతో మంచి మనసు కలది.
ఇలా ఈమె మంచితనానికే ఎంతోమంది అభిమానులు ఉన్నారని చెప్పాలి. ఇక సినిమాలలో ఏ విధమైనటువంటి గ్లామర్ షో లేకుండా ఎంతో అద్భుతమైన పాత్రలను ఎంపిక చేసుకొని నటించే అనుష్క బయట కూడా ఎంతో హుందాగా డ్రెస్సులను ధరించి ఎంతోమందికి అభిమాని నటిగా మారిపోయారు.ఇక చాలామంది ఇండస్ట్రీలోకి వచ్చిన తర్వాత కొన్ని నియమ నిబంధనలను పెట్టుకొని ఉంటారు. అయితే ఒకానొక సమయంలో తప్పనిసరి పరిస్థితులలో ఆ నియమ నిబంధనలను వదులుకోవాల్సి ఉంటుంది.
ఈ క్రమంలోనే అనుష్క సైతం అలాంటి నిబంధనలను ఒకసారి బ్రేక్ చేయాల్సి వచ్చిందని తాజాగా ఓ ఇంటర్వ్యూ సందర్భంగా వెల్లడించారు. కెరియర్ మొదట్లో పలు సినిమాలలో నటించిన ఈమె అరుంధతి సినిమా ద్వారా ఎంతో మంచి ఆదరణ పొందారు. ఈ సినిమా తన జీవితంలో ఎప్పటికీ తనకు ఒక స్పెషల్ అని అనుష్క చెబుతుంటారు. అరుంధతి సినిమా తర్వాత ఈమె బిల్లా సినిమాలో నటించారు.
Anushka Shetty: జీవితంలో మొదటిసారి ఇలా..
ఈ సినిమా కథ తనకు ఎంతగానో నచ్చింది అయితే ఈ సినిమా విషయంలో తాను ఒక ఇబ్బందిని ఎదుర్కొన్నానని తన జీవితంలో ఇబ్బంది పడిన క్షణాలు అవేనంటూ తెలియజేశారు.ఈ సినిమా కథ నచ్చినప్పటికీ సినిమాలో బికినీ ధరించడం తనకు చాలా ఇబ్బందిగా మారిందని ఈమె వెల్లడించారు.మొదటిసారి ఈ సినిమా కోసం బికినీ ధరించినప్పుడు తనకు ఎంతో ఇబ్బంది కలిగిందని నా జీవితంలో అంతలా ఇబ్బంది పడిన క్షణాలు అవేనంటూ ఈ సందర్భంగా అనుష్క వెల్లడించారు. తాజాగా ఈమె యు వి క్రియేషన్ బ్యానర్ లో నవీన్ పోలిశెట్టి హీరోగా నటిస్తున్న సినిమాలో అనుష్క నటిస్తున్నారు.
