కృష్ణ బిలాల వెనుక కాంతి ప్రతి ధ్వనులు ఉన్నాయని ఐన్స్టీన్ ఏనాడో చెప్పాడు. ఇప్పుడు ఆయన చెప్పిందే నిజమైంది. తాజాగా శాస్త్రవేత్తలు కృష్ణ బిలాల వెనుక ఉండే కాంతి ప్రతి ధ్వనులు ఉన్నాయని గుర్తించారు. దీంతో ఆయన మేధస్సుకు ప్రతీ ఒక్కరూ సలాం కొడుతున్నారు. విశ్వంలో ఉండే ప్రతీ వస్తువును కృష్ణ బిలాలు తమ వైపు లాక్కుంటాయి.
అయితే కృష్ణ బిలాల వెనుక ఉండే రహస్యాలను శాస్త్రవేత్తలు గుర్తించారు. ఈ రహస్యాలను స్టాన్ఫోర్డ్ యూనివర్సిటీ పరిశోధకులు కనిపెట్టారు. దాదాపు ఇవి 100 మిలియన్ కాంతి సంవత్సరాల దూరంలో ఉంటాయి. కాంతికి సంబంధించిన ధర్మాల్లో కాంతి వంగి ప్రయాణించడం, అయస్కాంత క్షేత్రాలు మెలిదిరిగి ఉండడం వల్లే ఈ కాంతి ప్రతిధ్వనులను రికార్డు చేయగలిగామని స్టాన్ఫోర్డ్ యూనివర్సిటీ శాస్త్రవేత్తలు తెలిపారు.
అయితే దీనిని టెలిస్కోప్ ద్వరా గుర్తించినట్లు శాస్త్రవేత్తలు తెలిపారు. అయితే ఈ విషయాన్ని ఆల్బర్ట్ ఐన్స్టీన్ ఎనాడో గుర్తించారు. ఐన్స్టీన్ ఓ సిద్ధాంతంలో ఇలా చెప్పారు. కృష్ణ బిలం వెనకాల కాంతి కిరణాల పరావర్తనాలు సాధ్యమని, అంతరిక్షంలో భారీవేవైనా సరే వక్రీకరణ చెందక తప్పవని ఆనాడే తెలిపారు. ఆ సమయంలో ఐనస్టీన్ చెప్పిన దానిని ఎవ్వరూ పట్టించుకోలేదు.
ప్రస్తుతం స్టాన్ఫోర్డ్ యూనివర్సిటీ శాస్త్రవేత్తలు దీనిని గుర్తించడంతో ఐన్ స్టీన్ గొప్పతనాన్ని మరోసారి గుర్తు చేసుకున్నారు. ఈ విషయాలను భయట పెట్టడంతో ప్రపంచవ్యాప్తంగా స్టాన్ఫోర్డ్ యూనివర్సిటీ శాస్త్రవేత్తలకు అభినందనలు వెల్లువెత్తుతున్నాయి. దీంతో వారు సంతోషం వ్యక్తం చేశారు.
