RRR Movie: యంగ్ టైగర్ ఎన్టీఆర్ మెగా పవర్ స్టార్ రామ్ చరణ్ ప్రధాన పాత్రల్లో రాజమౌళి దర్శకత్వంలో తెరకెక్కిన చిత్రం RRR. ఈ సినిమా ఎన్నో అంచనాల నడుమ ఈ ఏడాది ఫిబ్రవరి 25వ తేదీ ప్రపంచ వ్యాప్తంగా అత్యధిక థియేటర్లలో విడుదలైంది. ఇలా పాన్ ఇండియా స్థాయిలో విడుదలైన ఈ సినిమా అద్భుతమైన కలెక్షన్లను రాబట్టింది.
ఈ సినిమా ప్రపంచవ్యాప్తంగా థియేటర్లలో ఏకంగా 1150 కోట్ల రూపాయలను సాధించినట్లు సమాచారం.థియేటర్ లో మంచి విజయాన్ని అందుకోవడమే కాకుండా మంచి కలెక్షన్లను రాబట్టిన ఈ సినిమా ప్రస్తుతం ఓటీటీలో ప్రసారం అవుతూ మరోసారి ప్రేక్షకులను సందడి చేస్తోంది.
ఈ క్రమంలోనే ఈ సినిమాని ఓటీటీలో చూస్తున్న ప్రేక్షకులు ఇందులో ఉన్న తప్పులను కనిపెడుతూ సోషల్ మీడియా వేదికగా వాటిని షేర్ చేస్తూ పెద్ద ఎత్తున రాజమౌళి పై విమర్శలు చేస్తున్నారు. ఈ క్రమంలోనే ఎన్టీఆర్, రామ్ చరణ్, ఒలివియో మధ్య జరిగే ఒక సన్నివేశంలో వెనక నుంచి ఎవరో ఎన్టీఆర్ ను తారక్ అని పిలవడాన్ని గుర్తించి ఈ వీడియోని సోషల్ మీడియాలో షేర్ చేస్తూ భారీగా రాజమౌళిపై ట్రోల్ చేస్తున్నారు.
ఎడిటింగ్ లోపం కావచ్చు..
ప్రస్తుతం ఈ వీడియో సోషల్ మీడియాలో వైరల్ గా మారడంతో ఎంతో మంది నెటిజన్లు మూడు సంవత్సరాల నుంచి ఈ సినిమా కోసం పనిచేస్తున్నారు ఈ మాత్రం చూసుకోవలసిన అవసరం లేదా జక్కన్నా అంటూ కొందరు కామెంట్లు చేయగా, మరి కొందరు బహుశా ఎడిటింగ్ లోపం అయి ఉంటుంది అంటూ మరికొందరు కామెంట్లు చేస్తున్నారు. మొత్తానికి ఇలాంటి చిన్నచిన్న తప్పులను ఎత్తిచూపుతూ నెటిజన్లు భారీగా ట్రోల్ చేస్తున్నారు.
థియేటర్లలో చూసినప్పుడు ఇది గమనించలేదు. తారక్ అని పిలిచింది ఎవరో? pic.twitter.com/olYGPZAVjp
— Phani Kumar (@phanikumar2809) May 26, 2022
