బుల్లితెరపై ప్రసారమవుతున్న ది బిగ్గెస్ట్ రియాలిటీ షో బిగ్ బాస్ సీజన్ 5 గురించి అందరికీ తెలిసిందే. ఇప్పటికే నాలుగు సీజన్ లు పూర్తవ్వగ ప్రస్తుతం ఐదవ సీజన్ కూడా పూర్తవడానికి దగ్గర్లో ఉంది. ఇక గత నాలుగు సీజన్ లలో పాల్గొన్న కంటెస్టెంట్ లు కొంతవరకు మంచి క్రేజ్ సంపాదించుకొని సినిమాలలో అవకాశాలు కూడా అందుకున్నారు.
ఇక ఈ సీజన్ కంటెస్టెంట్ లు కొన్ని అవకాశాలు అందుకుంటున్నట్లు వార్తలు కూడా వినిపిస్తున్నాయి. ఈ సీజన్ లో మొత్తం 19 మంది కంటెస్టెంట్ లు పాల్గొనగా ప్రస్తుతం తొమ్మిది మంది మాత్రమే ఉన్నారు. ఇక ఎలిమినేట్ అయిన కంటెస్టెంట్ లు మాత్రం బయట బాగా అవకాశాలు అందుకుంటున్నట్లు తెలుస్తుంది. ఇదిలా ఉంటే తాజాగా ఈ సీజన్ 5 కు సంబంధించిన ఇద్దరు కంటెస్టెంట్ లు ఏకంగా మెగా స్టార్ హీరో రామ్ చరణ్ సినిమా లోనే ఛాన్స్ కొట్టేసినట్లు తెలిసింది.
ఇంతకీ ఆ ఇద్దరు కంటెస్టెంట్ లు ఎవరో కాదు.. బుల్లితెర నటుడు విశ్వ, యాంకర్ లోబో. ప్రస్తుతం రామ్ చరణ్ రాజమౌళి దర్శకత్వంలో ఆర్ ఆర్ ఆర్ సినిమాలో నటిస్తున్న సంగతి తెలిసిందే. ఈ సినిమా తర్వాత డైరెక్టర్ శంకర్ దర్శకత్వంలో మరో పాన్ ఇండియా మూవీ చేయనున్నట్లు గతంలో ప్రకటించిన సంగతి తెలిసిందే. ఇక ఈ సినిమాలో లోబో, విశ్వ నటించనున్నట్లు బాగా వార్తలు వినిపిస్తున్నాయి.
ఈ విషయం గురించి ఇంతవరకు ఎవరు కూడా ప్రకటించక పోగా త్వరలోనే ఇందులో ఎంత నిజముందో తెలిసిపోతుంది. అంతే కాకుండా వీరు రామ్ చరణ్ తో కలిసి దిగిన ఫోటోలు ప్రస్తుతం నెట్టింట్లో హాల్ చల్ చేస్తున్నాయి. ఇక బిగ్ బాస్ హౌస్ లో లోబో, విశ్వ తమ పరిచయాన్ని మరింత పెంచుకొని ఎంతో మంది అభిమానులను సంపాదించుకున్న సంగతి తెలిసిందే.
