బిగ్ బిగ్ బాస్ షో చూస్తుండగానే ముగింపు దశకు చేరుకుంది. మరి కొద్ది రోజులలో బిగ్ బాస్ ట్రోపీని ఎవరు గెలుచుకోబోతున్నారో తెలియనుంది. అయితే బిగ్ బాస్ ముగింపు దశకు చేరుకుంటుండడంతో కంటెస్టెంట్ ల మధ్య పోటీ పెరిగింది. ఈ క్రమంలోనే గత రెండు మూడు రోజులుగా హౌస్ లో చాలా మార్పులు చోటు చేసుకున్నాయి. మొదటి నుంచి బిగ్ బాస్ హౌస్ లో అల్లరి చేస్తూ సరదాగా ఉండే సిరి డల్ అయిపోయింది.
సిరి అలా అవ్వడానికి మూల కారణం షణ్ముఖ్ జస్వంత్ అని అభిప్రాయపడ్డారు కాజల్, మానస్.షన్ను కంటి చూపుతోనే సిరిని కంట్రోల్ చేయాలని ప్రయత్నిస్తున్నాడు. ఈ క్రమంలోనే ఆమె హౌస్ మేట్స్ తో ఎవరితో చనువుగా ఉన్న ఆమెపై తీవ్ర స్థాయిలో మండిపడుతున్నాడు. షణ్ముఖ్ వల్ల సిరి తన ఇండివిడ్యువాలిటిని కోల్పోతుందని చెప్పుకొచ్చాడు మానస్. తాజాగా బిగ్ బాస్ కంటెస్టెంట్ లకు గతంలో జరిగిన సీన్ లను తిరిగి ప్లే చేసే గేమ్ ను ఇచ్చాడు
ఈ క్రమంలోనే శ్రీరామ్,జెస్సీలకు కిచెన్ లో జరిగిన గొడవలు రీ క్రియేట్ చేసి చూపించాలి అన్నాడు బిగ్ బాస్. ఈ క్రమంలోనే టాస్క్ లో తనని చులకనగా చూస్తున్నారని అసహనం వ్యక్తం చేశాడు షన్ను. మాటలు అంటే పడతాను కానీ ఇమిటేట్ చేస్తే మాత్రం నచ్చదు అంటూ లోపల గొనుక్కున్నాడు. ఈ టాస్క్ లో నేను పాల్గొనను అంటూ మొండి పట్టు పట్టడంతో అతని కూల్ చేయడానికి వెళ్ళిన సిరి పై కూడా ఫైర్ అయ్యాడు.
సిరి వచ్చి సారీ చెప్పినప్పటికీ అతను వినిపించుకోకుండా..నీ వల్ల నాకు ఏమీ నెగిటివ్ లేదు నీ మంచి కోసం మాట్లాడితే నేను నెగిటివ్ అవుతున్నాను అంటూ ఆమె పై కస్సుబుస్సు లాడాడు. మిగతా కంటెస్టెంట్ అలాగే నువ్వు కూడా అంటూ, నువ్వు అవసరం లేదు వెళ్ళిపో అంటూ ఆమెకు వార్నింగ్ ఇచ్చాడు. అనంతరం మిగతా కంటెస్టెంట్ లను ఆయన, ఈయన అంటావు.. నన్నేమో ఒరేయ్ అరేయ్ అని ఇష్టమొచ్చినట్లు మాట్లాడతావు.. మనమిద్దరం ఉన్నప్పుడు వేరు..నలుగురిలో ఉన్నప్పుడు వేరు.. అవతలివాళ్ళు ముందు నేను తక్కువ అయినా సరే నీ కోసం ఫైట్ చేస్తున్నా.. కానీ మీ మమ్మీకి అవేం గుర్తులేదు..హగ్ ఒకటే గుర్తు ఉంది అంటూ సిరి నానా మాటలు అనడంతో పాటు తన తల్లిని కూడా లాగడంతో సిరి ఎమోషనల్ అయిపోయింది. ఆ తర్వాత కాసేపటికి షన్ను బుజ్జ గించాడు. అలా కాసేపటికి ఇద్దరూ కలిసి పోయి హగ్గులు ఇచ్చుకున్నారు.
