Mrunal Thakur: మరాఠీ ముద్దుగుమ్మ మృణాల్ ఠాకూర్ గురించి ప్రత్యేకంగా చెప్పాల్సిన పనిలేదు ఈమె బుల్లితెర సీరియల్స్ నటిస్తూ అనంతరం మరాఠీ సినిమాలలో అవకాశాలు అందుకున్నారు. ఇలా మరాఠీ సినిమాలలో నటిస్తూనే బాలీవుడ్ చిత్రాలలో కూడా అవకాశం అందుకున్నటువంటి ఈమె బాలీవుడ్ సినిమాలలో నటిస్తూ కెరియర్ పరంగా బిజీ అయ్యారు. అయితే తెలుగులో కూడా సీతారామం సినిమా ద్వారా ప్రేక్షకుల ముందుకు వచ్చారు.
ఈ సినిమా ద్వారా తెలుగు ప్రేక్షకులకు హీరోయిన్ గా పరిచయమైనటువంటి మృణాల్ వెండితెర సీతమ్మగా తెలుగు ప్రేక్షకుల మధ్యలో నిలిచిపోయారు. ఇక ఈ సినిమా తర్వాత తెలుగులో కూడా అవకాశాలు రావడం మొదలుపెట్టాయి. ఇలా ఊహించని విధంగా తెలుగులో అభిమానాన్ని సొంతం చేసుకున్నటువంటి ఈమె ప్రస్తుతం కెరియర్ పరంగా బిజీ అయ్యారు.
ఇదిలా ఉండగా తాజాగా మృణాల్ ఠాగూర్ చేసినటువంటి కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఈమె ఒకానొక సమయంలో తీవ్రమైనటువంటి బాడీ షేమింగ్ ట్రోల్స్ ఎదుర్కొన్నానని నన్ను చాలామంది అవమానింపజేశారు అంటూ కామెంట్లు చేశారు.
బరువు తగ్గమని సలహా ఇచ్చారు..
తాను అవకాశాల కోసం స్టూడియోలకు వెళ్తే నేను అసలు సెక్సీగా లేనని, పల్లెటూరు అమ్మాయి అంటూ దారుణంగా అవమానించారు మరి కొంతమంది మీరు కాస్త బరువు తగ్గండి అంటూ కూడా నాకు సలహాలు ఇచ్చారని తెలిపారు. ఇవన్నీ బాలీవుడ్ ఇండస్ట్రీలో ఎదుర్కొందని తెలిపింది. ఆ అనుభవాలను, ఆయా సందర్భాల్లో తనను ఉద్దేశించిన కామెంట్స్ ను వివరించింది.
