సాధారణంగా సినిమా ఇండస్ట్రీలో క్యాస్టింగ్ కౌచ్ ఉంటుందని చాలా మంది భావిస్తారు. ఇండస్ట్రీలోకి వచ్చిన ఏ అమ్మాయికైనా క్యాస్టింగ్ కౌచ్ ఆరోపణల ఎదుర్కోవాల్సిందే. ఇండస్ట్రీలో నిలదొక్కుకోవాలంటే, అవకాశాలు రావాలంటే తప్పనిసరిగా ఇలాంటి ఆరోపణలను ఎదుర్కోవాల్సి ఉంటుందని ఎంతో మంది సినీ తారలు తమ ఆవేదనను వ్యక్తం చేశారు.
చిత్ర పరిశ్రమలో క్యాస్టింగ్ కౌచ్ అంటూ మహిళలకు లైంగిక వేధింపులు తప్పవని, ఎంతో మంది డైరెక్టర్లు నిర్మాతలు మహిళలను బలవంత పెడుతూ ఉంటారని ఇప్పటికే చాలా మంది తారలు తెలిపిన సందర్భాలు ఎన్నో ఉన్నాయి.తాజాగా ఈ కాస్టింగ్ కౌచ్ విషయంపై నటి మాహికా శర్మ సంచలన వ్యాఖ్యలు చేశారు.
ఎంటర్టెన్మెంట్ రంగంలో హీరోయిన్స్ ఎప్పుడు కూడా దర్శక నిర్మాతలు ఒక లైంగిక వస్తువుగానే చూస్తారని నటి ఆరోపించారు. ఈ విషయంలో కొందరు దర్శక నిర్మాతలు బలవంతం చేస్తే మరికొందరు అవకాశాలను ఎరగా వేసి లోబర్చుకుంటారని తెలిపారు. ఇండస్ట్రీలో పనిచేసే హీరోయిన్స్ కు ఒకటి కావాలంటే.. మరొకటి త్యాగం చేయాల్సిందేనని మహికా శర్మ పేర్కొన్నారు.
ఇక ఇండస్ట్రీలోకి ఎలాంటి బ్యాక్ గ్రౌండ్ లేకుండా వచ్చిన అమ్మాయిల గురించి చెప్పాల్సిన పని లేదు. వారు ఎంతో దారుణమైన పరిస్థితులను ఎదుర్కొంటారని, ఈ సమాజం కూడా సినిమా ఇండస్ట్రీని చూసే విధానం వేరుగా ఉంటుంది. ఇండస్ట్రీలో పని చేసే హీరోయిన్లు అంటే హై ప్రొఫైల్ ఉన్న వేశ్యలుగానే చూస్తారే తప్ప.. వారికి ఎలాంటి గౌరవం ఉండదు అంటూ ఆవేదన వ్యక్తం చేశారు.
