Karate Kalyani: నటి కరాటే కళ్యాణి గత రెండు రోజుల నుంచి పెద్దఎత్తున వార్తల్లో నిలుస్తున్నారు. ఇలా ఈమె వార్తల్లో నిలవడానికి గల కారణం యూట్యూబర్ శ్రీకాంత్ రెడ్డితో తీవ్రస్థాయిలో గొడవ పెట్టుకోవడమే కారణమని చెప్పాలి.శ్రీకాంత్ రెడ్డి రోడ్డుపై వెళ్లే మహిళలతో ఎంతో అసభ్యకరంగా ఫ్రాంక్ వీడియోలు చేస్తున్నారంటూ ఈమె అతనితో గొడవ పడింది.
ఈ క్రమంలోనే పరస్పరం ఒకరిపై ఒకరు దాడి చేసుకుని ఇద్దరు ఎస్ ఆర్ నగర్ పోలీస్ స్టేషన్ లో ఫిర్యాదు చేసుకున్నారు. అయితే ఇద్దరికీ ఒకే రకమైన కేసు పెట్టడంతో ఎస్.ఆర్.నగర్ సైదులు పై ఈమె ఆగ్రహం వ్యక్తం చేశారు. ఈ క్రమంలోనే నిత్యం వీరిద్దరి గురించి ఏదో ఒక వార్త సోషల్ మీడియాలో వైరల్ అవుతుంది.
ఇదిలా ఉండగా తాజాగా కరాటే కళ్యాణి ఇంటిలో చైల్డ్ వెల్ఫేర్ అధికారులు సోదాలు నిర్వహించినట్లు తెలుస్తోంది. కరాటే కళ్యాణి యూట్యూబర్ శ్రీకాంత్ రెడ్డి తో గొడవ పడుతున్న సమయంలో ఆమె చేతిలో చంటిబిడ్డ ఉండడం గమనార్హం.ఈ క్రమంలోనే ఆ బిడ్డ ఎవరు అతనికి ఏమవుతుందని అనుమానాలు మొదలయ్యాయి.
చిక్కుల్లో కరాటే కళ్యాణి…
ఈ క్రమంలోనే చైల్డ్ వెల్ఫేర్ అధికారులు ఆమె ఇంటిని సోదా చేసి చిన్నారిని గుర్తించారు. అయితే ఆ చిన్నారి ఎవరు? తనకు కరాటే కళ్యాణికి సంబంధం ఏమిటి?తనని కరాటే కళ్యాణి ఎక్కడి నుంచి తీసుకు వచ్చింది అంటూ పెద్దఎత్తున అధికారులు ఆరా తీస్తున్నారు.కరాటే కళ్యాణి అక్రమంగా చిన్నారిని కొనుగోలు చేసినట్లు ఫిర్యాదు రావడంతో అధికారులు తన ఇంటిపై దాడి చేసి సోదాలు నిర్వహించినట్లు తెలుస్తోంది.
