Chiranjeevi: మెగాస్టార్ చిరంజీవి నటించిన వాల్తేరు వీరయ్య సినిమా జనవరి 13వ తేదీ విడుదల కానున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్నటువంటి చిరంజీవికి మరోసారి మెగా, అల్లు కుటుంబం మధ్య వివాదాల గురించి ప్రశ్నలు ఎదురయ్యాయి.
ఇండస్ట్రీలోకి వచ్చిన మొదట్లో తాను మెగాస్టార్ ప్రోద్బలంతోనే ఆయన అండదండలతోనే ఇండస్ట్రీలోకి వచ్చానని చెప్పిన అల్లు అర్జున్ ఇప్పుడు మాత్రం అల్లు రామలింగయ్య పేరు చెప్పడం గమనార్హం. అలాగే చిరంజీవి ఇచ్చిన స్టైలిష్ స్టార్ అనే బిరుదును పక్కనపెట్టి ఐకాన్ స్టార్ అనే బిరుదును తగిలించుకోవడమేకాకుండా తన అభిమానులను ఉద్దేశిస్తూ తన ఆర్మీ అంటూ ఈయన చేసిన కామెంట్స్ తీవ్ర దుమారం రేపాయి.
దీంతో అల్లు కుటుంబం మెగా కుటుంబానికి మధ్య మనస్పర్ధలు ఉన్నాయని అందుకే అల్లు అర్జున్ మెగా కుటుంబం నుంచి పక్కకు వచ్చారనీ కామెంట్లు వచ్చాయి.ఈ క్రమంలోనే వాల్తేరు వీరయ్య సినిమా ప్రమోషన్లలో భాగంగా చిరంజీవి ఈ విషయంపై స్పందిస్తూ తాను పవన్ కళ్యాణ్ రామ్ చరణ్ బాగా ఎదగాలని కోరుకుంటాను.
Chiranjeevi: ప్రతిసారి అల్లు అర్జున్ నా పేరు చెప్పాలని లేదు..
వీరితో పాటు అల్లు అర్జున్ ఎదగాలని తను ఎదుగుతున్న చాలా ఆనందపడతానని చిరంజీవి తెలిపారు. ఇక అల్లు అర్జున్ మాట్లాడిన ప్రతిసారి నా పేరును ప్రస్తావించాలని నేను ఎందుకు అనుకుంటాను. ఇలా ప్రతిసారి ఆ పేరును చెప్పలేదని ఎందుకు వివాదాలు సృష్టిస్తారు. ఇలాంటి వివాదాలు విని చాలా ఇరిటేషన్ గా ఉందని ప్రతి ఒక్కరి ఎదుగుదలను తాను ఎంజాయ్ చేస్తాననీ ఈ సందర్భంగా చిరంజీవి చేసినటువంటి కామెంట్స్ వైరల్ అవుతున్నాయి.
