Choreographer Chaitanya: తెలుగు బుల్లితెరపై ప్రసారమవుతున్న ఢీ డాన్స్ షోద్వారా ఎంతో మంచి గుర్తింపు సంపాదించుకున్న కొరియోగ్రాఫర్ చైతన్య తాజాగా నెల్లూరు క్లబ్ హోటల్లో ఆత్మహత్య చేసుకొని మరణించారు. ఇలా ఈయన మరణ వార్త అందరిని ఎంతగానో కలిచి వేసింది. అయితే చైతన్య మరణించడానికి ముందు ఒక సెల్ఫీ వీడియో రికార్డ్ చేసి తన చావుకు కారణాలను తెలిపారు.
ఈ సందర్భంగా చైతన్య ఈ సెల్ఫీ వీడియో ద్వారా కేవలం తనకు ఉన్నటువంటి ఆర్థిక సమస్యల ద్వారానే తాను మరణిస్తున్నానని తెలిపారు.కొన్ని కారణాల వల్ల తాను అప్పు చేసానని అయితే ఆ అప్పును తీర్చడం కోసం మరొకచోట అప్పు చేశానని ఇలా అప్పులు పెరిగిపోవడం కాకుండా అప్పు ఇచ్చిన వారు ఒత్తిడి చేయడంతో భరించలేక చనిపోతున్నానని తెలిపారు.
తాను ఇలాంటి నిర్ణయం తీసుకున్నందుకు తనని క్షమించమని తల్లిదండ్రులను అలాగే తోటి డాన్సర్లను కోరుకున్నారు. ఇక తనకు ఎంతో పేరు తీసుకు వచ్చిన ఢీ డాన్స్ షో కార్యక్రమానికి తాను రుణపడి ఉంటారని ఈ కార్యక్రమం తనకు పేరు ప్రఖ్యాతలు సంపాదించి పెట్టిన సంపాదన మాత్రం ఇవ్వలేక పోయిందని తెలిపారు.
Choreographer Chaitanya: రెమ్యూనరేషన్ తక్కువ…
ఈ కార్యక్రమంలో రెమ్యూనరేషన్లు తక్కువగా ఇస్తున్నారని జబర్దస్త్ లో అధిక రెమ్యూనరేషన్ ఇస్తున్నారంటూ చైతన్య తెలిపారు. ఇలా ఆర్థిక ఇబ్బందుల కారణంగానే చైతన్య ఆత్మహత్య చేసుకుని మరణించడంతో తోటి డాన్సర్లు తల్లిదండ్రులు కన్నీరు మున్నీరు అవుతున్నారు.
