Venu Swamy: వేణు స్వామి పరిచయం అవసరం లేని పేరు. ఈయన ప్రముఖ జ్యోతిష్యులుగా అందరికీ ఎంతో సుపరిచితమే. ఇక వేణు స్వామి ఇటీవల కాలంలో సోషల్ మీడియాలో పాపులర్ అయ్యారు కానీ ఈయన గత కొన్ని సంవత్సరాలుగా టాలీవుడ్ ఇండస్ట్రీతో ఎంతో మంచి అనుబంధం కలిగి ఉన్నారు. బాలకృష్ణ చిరంజీవి వంటి స్టార్ హీరోల సినిమా పూజా కార్యక్రమాలలోనే ఈయన పాల్గొనేవారు.
ఇలా అప్పట్లో ఏదైనా సినిమా పూజ కార్యక్రమం ఉందంటే వేణు స్వామి తప్పనిసరిగా అక్కడ ఉండేవారు. ఇక ఇటీవల కాలంలో ఈయన సినిమా సెలబ్రిటీల గురించి రాజకీయ నాయకుల గురించి సోషల్ మీడియా వేదికగా చేసే కామెంట్స్ వైరల్ అవుతున్నాయి. ఇక వేణు స్వామి చెప్పినది కొంతవరకు నిజమైనప్పటికీ ఇటీవల కాలంలో ఈయనకు వరుసగా షాక్ లు తగులుతున్నాయి.
తెలంగాణ అసెంబ్లీ ఎన్నికలలో కేసీఆర్ విజయం సాధిస్తారని ఐపీఎల్లో హైదరాబాద్ గెలుస్తుందని ఏపీ అసెంబ్లీ ఎన్నికలలో జగన్ సీఎం అవుతారని ఈయన చెప్పిన జాతకాలు పూర్తిగా అబద్ధం కావడంతో వేణు స్వామి ఇకపై తాను ఇలాంటి జాతకాలు చెప్పి ఎవరిని ఇబ్బంది పెట్టను అంటూ ఒక వీడియో షేర్ చేశారు. ఇదిలా ఉండగా తాజాగా ఈయన చేసిన ఒక పని దారుణమైన ట్రోల్స్ కి గురి అవుతుంది.
మందు కొడుతూ..
వేణు స్వామి వీకెండ్ సందర్భంగా ఓ బార్ కి వెళ్లి తన మిత్రులతో కలిసి మద్యం సేవిస్తూ ఉన్న ఫోటోలు బయటకు రావడంతో ఇవి కాస్త వైరల్ అయ్యాయి. ఇక ఈ ఫోటోలపై ఎంతో మంది స్పందిస్తూ పూజలు చేసి జ్యోతిష్యం చెప్పే మీరు ఒక పబ్లిక్ ఫిగర్. ఇలా బయటకు వచ్చి ఇలా మందు తాగడం ఏంటి అంటూ భారీగా ట్రోల్ చేస్తున్నారు. కానీ తనకు మందు తాగే అలవాటు ఉందని వీకెండ్ బార్ కి వెళ్తానని పూజలు చేస్తున్నంత మాత్రాన తనకంటూ వ్యక్తిగత జీవితం ఉంటుందని గతంలోనే వేణు స్వామి తన అలవాట్ల గురించి చెప్పిన సంగతి తెలిసిందే.
