Prabhas: పాన్ ఇండియా స్టార్ హీరోగా ఎంత మంచి గుర్తింపు సంపాదించుకున్న ప్రభాస్ కి ఎంతటి ఫ్యాన్ ఫాలోయింగ్ ఉందో అందరికీ తెలిసిందే. ఈయన ఎలా ఉన్నా కూడా అభిమానులు అమితంగా ఇష్టపడుతుంటారు. బాహుబలి సినిమా కోసం కాస్త శరీర బరువు పెరిగిన ప్రభాస్ అదే బరువును కంటిన్యూ చేస్తూ వచ్చారు. ఈ క్రమంలోనే ఆయన తదుపరి నటించిన రాధేశ్యామ్, ఆది పురుష్ చిత్రాల్లో సైతం అధిక శరీర బరువు ఉన్నారు.
ఈ క్రమంలోనే కొంతమంది అభిమానులు ప్రభాస్ కాస్త స్లిమ్ గా ఉంటే అందంగా ఉంటారు అంటూ కామెంట్లు చేశారు. ఇకపోతే అధిక శరీర బరువు కారణంగా ప్రభాస్ లుక్ మొత్తం చేంజ్ కావడంతో డైరెక్టర్ ప్రశాంత్ నీల్ సైతం తన సినిమా సలార్ కోసం తన శరీర బరువు తగ్గాలని సూచించారట.ఇలా డైరెక్టర్ కండిషన్లు పెట్టడంతో చేసేదేమీ లేక ప్రభాస్ తన శరీర ఫిట్ నెస్ పై దృష్టి పెట్టారు.
ఈ క్రమంలోనే భారీగా వర్కౌట్స్ చేస్తూ గత కొన్ని నెలల నుంచి ఈయన కష్టపడుతూ చాలా వరకు శరీర బరువు తగ్గారని తెలుస్తోంది. ఈ క్రమంలోనే తాజాగా ఈయన స్లిమ్ లుక్ లో ప్రేక్షకుల ముందుకు వచ్చారు. ఇలా ప్రభాస్ ఇలాంటి లుక్ లో చూసేసరికి అభిమానులు సైతం ఫిదా అవుతున్నారు. డార్లింగ్ తిరిగి తన లుక్ లోకి వచ్చారని అభిమానులు సంతోషం వ్యక్తం చేస్తున్నారు.
తదుపరి ప్రాజెక్టులతో బిజీ కానున్నా ప్రభాస్…
ప్రస్తుతం ప్రభాస్ కి సంబంధించిన ఈ ఫొటో సోషల్ మీడియాలో వైరల్ గా మారింది. అభిమానుల కోరిక మేరకు అలాగే డైరెక్టర్ ప్రశాంత్ నీల్ కండిషన్ మేరకు ప్రభాస్ అధికంగా శరీర బరువు తగ్గడంతో అభిమానులు సైతం సంతోషం వ్యక్తం చేస్తున్నారు. ఇకపోతే ఈయన శరీర బరువు తగ్గడంతో శరవేగంగా సలార్, ప్రాజెక్టు కె సినిమాల షూటింగులతో బిజీ కానున్నారు. శరవేగంగా షూటింగ్ పనులు జరుపుకొని వచ్చే ఏడాదిలో ఈ సినిమాలు విడుదల చేయాలని చిత్రబృందం భావిస్తున్నారు.
