Dhavala Satyam : తెలుగు సినిమా ఇండస్ట్రీలో నటుడిగా దర్శకుడిగా నిర్మాతగా ఎన్నో వందల సినిమాలకు పనిచేసి ఇండస్ట్రీ పెద్దగా గుర్తింపు పొందిన దాసరి నారాయణరావు గారి గురించి ప్రత్యేకంగా చెప్పాల్సిన పనిలేదు. ఇకపోతే ఈయన స్నేహితుడిగా శిష్యుడిగా ధవళ సత్యం ఇండస్ట్రీలో ఎన్నో సినిమాలలో పనిచేసి మంచి పేరు సంపాదించుకున్నారు.ఇకపోతే తాజాగా ఒక ఇంటర్వ్యూలో పాల్గొన్న ధవళ సత్యం ఇండస్ట్రీలో తనకు దాసరి గారికి మధ్య జరిగిన గొడవ గురించి వెల్లడించారు.
తాను రామాపురంలో సీత అనే సినిమా షూటింగ్ చిత్తూరులో చేస్తున్నాను. అక్కడ కొందరు యూనియన్ లీడర్స్ వచ్చి ఇక్కడ కార్డులు ఉన్న వారు ఒక వైపు రండి లేని వారు ఒక వైపు రండి అంటూ పెద్ద ఎత్తున గొడవ చేశారు. నాకు సినిమా షూటింగ్ సమయంలో మధ్యలో ఎవరైనా ఇలా పనికి అడ్డు పడితే చాలా కోపం వస్తుంది. ఇలా యూనియన్ లీడర్స్ సినిమా షూటింగ్ మధ్యలో ఇలా చేయడంతో నేను వెంటనే పోలీసులకు ఫిర్యాదు చేశాను.
చిత్తూరు డిఎస్పీ గారు వచ్చి నాతో మాట్లాడారు మరి వీరిపై కేసు పెడతారా అంటే పెడతాను అని చెప్పాను. అలా వారిపై కేసు పెట్టడంతో యూనియన్ లీడర్స్ అందరినీ తీసుకెళ్లి జైలులో పెట్టారు. ఈ విధంగా యూనియన్ అనే విషపురుగు కారణంగా మా ఇద్దరి మధ్య గొడవ వచ్చింది. అయితే అప్పట్లో యూనియన్ ప్రెసిడెంట్ గా దాసరిగారు ఉండేవారు. విషయం తెలియగానే ఆయన ఫోన్ చేసి ఒక్క క్షణంలో వాళ్ళందరూ బయట ఉండాలి అని చెప్పారు.
మా ఇద్దరి జర్నీలో ఇదొక పెద్ద మచ్చ…
వాళ్లు నా సినిమాని డిస్టర్బ్ చేశారు.. అందుకే ఇలా చేశాను అని నేను ఆయనతో చెప్పాను. వాళ్లు యూనియన్ లీడర్స్.. వాళ్లు ఏమైనా చేస్తారు ముందు వాళ్లు బయటకు రావాలి అన్నారు.ఆ విషయంలో నేను వినకపోయేసరికి నువ్వంటున్నది ఇండస్ట్రీలో గుర్తుపెట్టుకో ఇండస్ట్రీలో లేకుండా చేస్తాను అంటూ గట్టిగా వార్నింగ్ ఇచ్చారు. ఈ విధంగా మా ఇద్దరి జర్నీలో మాకు ఇది ఒక పెద్ద మచ్చగా ఏర్పడిందని ధవళ సత్యం దాసరితో తనకు జరిగిన గొడవ గురించి తెలిపారు.
