Dhamaka Director: సాధారణంగా కొన్నిసార్లు మనకు తెలిసో తెలియకుండా నోరు జారితే పెద్ద ఎత్తున వివాదాలు చోటు చేసుకుంటాయి. అందుకే సినిమా సెలబ్రిటీ వారు మాట్లాడే ప్రతి ఒక్క మాట కూడా ఒకటికి రెండు సార్లు ఆలోచించి మాట్లాడుతూ ఉంటారు.ఇలా ఒక మాట మాట్లాడే ముందు పలుమార్లు ఆలోచించిన ఎంతోమంది సెలబ్రిటీలు వివాదాలను ఎదుర్కొంటూ ఉంటారు.
ఇలాంటి వివాదంలో చిక్కుకున్నారు డైరెక్టర్ త్రినాథ్ రావు.రవితేజ శ్రీ లీల హీరో హీరోయిన్లుగా ప్రేక్షకుల ముందుకు వచ్చిన చిత్రం ధమాకా ఈ సినిమాకి త్రినాథరావు నక్కిన దర్శకత్వం వహించారు. ఈ సినిమా ప్రీ రిలీజ్ వేడుకలో భాగంగా డైరెక్టర్ త్రినాధరావు నీ ఉప్పర లొల్లి ఏంటి అని మాట్లాడారు.
ఈ విధంగా డైరెక్టర్ ఈ మాట అనడంతో పెద్ద ఎత్తున ఉప్పర సంఘం నేతలు డైరెక్టర్ త్రినాథ్ రావు పై మండిపడుతూ ఫిలిం ఛాంబర్ ఎదుట పెద్ద ఎత్తున ధర్నాలు చేశారు.ఉప్పర కులస్తులను కించపరిచే విధంగా డైరెక్టర్ మాట్లాడారని ఆయన బహిరంగంగా ఉప్పర కులస్తులకు క్షమాపణలు చెప్పాలి అని డిమాండ్ చేయడమే కాకుండా ఆయన దిష్టిబొమ్మను కూడా తగలబెట్టారు.
Dhamaka Director: నీ ఉప్పర లొల్లేంటి అంటూ నోరు జారిన డైరెక్టర్….
ఈ విధంగా ఉప్పర కులస్తులు పెద్ద ఎత్తున ఈ విషయంపై డిమాండ్లు వ్యక్తం చేయడంతో చేసేదేమీ లేక డైరెక్టర్ త్రినాథ్ రావు బహిరంగంగా ఉప్పర కులస్తులకు క్షమాపణలు చెప్పారు. తాను ఉద్దేశపూర్వకంగా ఎవరిని కించపరచాలన్న ఉద్దేశంతో ఇలాంటి వ్యాఖ్యలు చేయలేదని,ఇకపై ఈ పదం సినిమా ఇండస్ట్రీలోనే కాకుండా రాజకీయ నాయకులు కూడా బహిష్కరించాలని కోరుతూ ఈయన క్షమాపణలు తెలియజేశారు. ఈ విధంగా డైరెక్టర్ క్షమాపణలు చెప్పడంతో ఈ వివాదానికి పుల్ స్టాప్ పడింది.
