Dharsha Gupta: సాధారణంగా సినిమా ఇండస్ట్రీ అంటేనే గ్లామర్ ప్రపంచం. ఈ గ్లామర్ ప్రపంచంలో అందానికి ఎక్కువ ప్రాముఖ్యత ఇస్తారు. ముఖ్యంగా హీరోయిన్లు అందంగా కనిపిస్తేనే వారికి అవకాశాలు దక్కుతాయి. ఇలా అందంగా కనిపించడం కోసం హీరోయిన్లు పడే కష్టాలు అన్నీ ఇన్ని కాదు. అయితే హీరోయిన్లకి అందంతోపాటు టాలెంట్ కూడా ఉంటేనే ఇండస్ట్రీలో అవకాశాలు దక్కుతాయని ఇప్పటికే చాలామంది హీరోయిన్లు నిరూపించారు.
ఎంతోమంది హీరోయిన్లు ఎటువంటి ఎక్స్పోజింగ్ చేయకుండా డి గ్లామరైజ్ పాత్రలలో నటించడమే కాకుండా వారు ఎంత కష్టపడ్డారో కూడా మనందరికీ తెలుసు. ఇలా ఇండస్ట్రీలో ఉన్న ఎంతోమంది స్టార్ హీరోయిన్లు లేడీస్ ఓరియెంటెడ్ సినిమాలలో నటించి సినిమాలో పాత్ర కోసం ఎన్నో ఇబ్బందులు ఎదుర్కొన్నారు. ఇలా హీరోయిన్స్ అంటే కేవలం గ్లామర్ షో అని ట్రోల్ చేస్తున్నవారి వాదనను తిప్పికొడుతున్నారు. తాజాగా మరొక హీరోయిన్ కూడా ఈ వాదనను తిప్పికొడుతు వారికి గట్టి సమాధానం చెప్పింది. బుల్లితెర ద్వారా పాపులర్ అయ్యి వెండి తెర మీద హీరోయిన్లుగా గుర్తింపు పొందిన వారిలో దర్శా గుప్తా కూడా ఒకరు.
‘కుక్ విత్ కోమాలి’ అనే షో ద్వారా పాపులర్ అయిన దర్శా గుప్తా వెండితెర మీద హీరోయిన్గా అవకాశాలు అందుకుంటుంది. దర్శ గుప్తా సోషల్ మీడియాలో యాక్టివ్ గా ఉంటూ ఎప్పుడు తన అందమైన గ్లామర్ ఫోటోలను సోషల్ మీడియాలో షేర్ చేస్తూ ఉంటుంది. అయితే ఈమె ఇలా తరచూ గ్లామర్ ఫోటోలను షేర్ చేయటం వల్ల కేవలం గ్లామర్ తోనే ఇండస్ట్రీలో అవకాశాలు దక్కించుకుంటుందని ఈ అమ్మడిని ట్రోల్ చేస్తున్నారు. ఇలా తనని ట్రోల్ చేస్తున్న వారికి సమాధానంగా దర్శగుప్త ఇటీవల ఒక వీడియో సోషల్ మీడియాలో పోస్ట్ చేసింది.
Dharsha Gupta: హీరోయిన్ల గ్లామర్ వెనుక కష్టం ఇది…
హీరోయిన్ లు అంటే కేవలం గ్లామర్ షో చేయటానికి మాత్రమే కాదని,సినిమాలో పాత్ర కోసం మేం ఎంత కష్టపడతామో చూడండి అంటూ .. ఓ మై ఘోస్ట్ లో సినిమా కోసం డూప్ లేకుండా చేసిన ఫైట్ వీడియోను తన ఇన్ స్టా లో షేర్ చేస్తూ.. “కేవలం ఈ షాట్ కోసమే నేను ఉదయం నుంచి సాయంత్రం 6 గంటలకు వరకు ఏమీ తినలేదు, తాగలేదు. కష్టపడనిదే ఏదీ రాదు. లవ్ యూ ఆల్” అంటూ రాసుకొచ్చింది. ఇలా ఈ వీడియో షేర్ చేసి హీరోయిన్ కేవలం గ్లామర్ షో ద్వారా పాపులర్ అవుతారని విమర్శిస్తున్న వారికి ఈ వీడియో ద్వారా సమాధానం చెప్పింది.
