Raviteja: మాస్ మహారాజ రవితేజ ప్రస్తుతం వరుస సినిమాలలో నటిస్తూ కెరియర్ పరంగా ఎంతో బిజీగా ఉన్న సంగతి తెలిసిందే. ఇక తాజాగా ఈయన కార్తీక్ ఘట్టమనేని దర్శకత్వంలో తెరకెక్కిన ఈగల్ అనే సినిమా ద్వారా ప్రేక్షకుల ముందుకు వచ్చారు ఈ సినిమా పాజిటివ్ టాక్ సొంతం చేసుకుంది.
ఇక ఈ సినిమా విడుదల తేదీ దగ్గర పడిన తరుణంలో ప్రమోషన్ కార్యక్రమాలను కూడా పెద్ద ఎత్తున నిర్వహించారు. ఈ ప్రమోషన్ కార్యక్రమాలలో భాగంగా డైరెక్టర్ కార్తీక్ ఒక ఇంటర్వ్యూలో పాల్గొన్నారు. ఈ ఇంటర్వ్యూ సందర్భంగా ఈయన మాట్లాడుతూ రవితేజ గురించి చేసిన కామెంట్స్ వైరల్ అవుతున్నాయి.
రవితేజ సినిమాలలో చూడటానికి చాలా సరదాగా కనిపిస్తారు కానీ నిజ జీవితంలో అలా ఉండాలని తెలిపారు. నిజ జీవితంలో ఈయన చాలా క్రమశిక్షణ కలిగిన వ్యక్తి అని తెలిపారు .ఆయన నుంచి మనం క్రమశిక్షణ నేర్చుకోవాలని తెలిపారు. ఇక ఆయన ఫుడ్ విషయంలో కానీ నిద్ర విషయంలో కానీ చాలా స్ట్రిక్ట్ గా ఉంటారని కార్తీక్ తెలిపారు.
సెల్ఫ్ కంట్రోలర్..
రవితేజ సెల్ఫ్ కంట్రోలర్ అంటూ ఈ సందర్భంగా రవితేజ గురించి కార్తీక్ చేసినటువంటి ఈ కామెంట్స్ వైరల్ అవుతున్నాయి. పీపుల్స్ మీడియా ఫ్యాక్టరీ నిర్మాణంలో తెరకెక్కిన ఈ సినిమాలో రవితేజ సరసన కావ్య థాపర్ , అనుపమ పరమేశ్వరన్ హీరోయిన్లుగా నటించిన సంగతి తెలిసిందే.
