Anasuya: యాంకర్ నుంచి స్టార్ గా ఎదుగుతోంది అనసూయ. రంగస్థలంలో రంగమత్తగా చేసిన క్యారెక్టర్ అనసూయకు పేరు తెచ్చి పెట్టింది. ప్రస్తుతం పుష్ప సినిమాలో చేనిన ద్రాక్షాయణి క్యారెక్టర్ కూడా అంతే స్థాయిలో గుర్తింపు తెచ్చింది. జబర్థస్త్ యాంకర్ గా తన అందాలతో, గ్లామర్ తో కట్టిపడేసిన అనసూయ.. ప్రస్తుతం సిల్వర్ స్క్రీన్ పై తన యాక్టింగ్ టాలెంట్ ను చూపిస్తోంది.
అయితే ఇటీవల ఇన్ స్టాలోకి వచ్చిన అనసూయ.. తనపై యూట్యూబ్ లో వస్తున్న థంబ్ నెల్స్ పై ఫైర్ అయింది. గతంలో కూడా తన డ్రెస్సింగ్ విషయంలో ట్రోలింగ్ చేస్తే ఘాటుగానే స్పందించింది అనసూయ. తన డ్రెస్సింగ్ తన ఇష్టం..అని తనకు ఏది కంఫర్ట్ అనిపిస్తే అదే వేసుకుంటానని ఘాటుగానే నెటిజెన్లకు వార్నింగ్ ఇచ్చింది. అయితే తాజాగా అనసూయపై యూట్యూబ్ లో అసభ్యమైన థంబ్ నెల్స్ పెడుతున్నారంటూ వాపోయింది.
ఈ మధ్యకాలంలో కొన్ని యూట్యూబ్ ఛానెల్స్ పెట్టే థంబ్ నెయిల్స్ చూశాను. ఎంత లావు అయిపోయిందో చూడండి.. చూస్తే షాక్ అవుతారు అంటూ పెడుతుంటారు అని చెప్పుకొచ్చింది. ఇలాంటి వాటిని పట్టించుకోవద్దని అనుకుంటాను కానీ… కొన్ని సార్లు మనల్ని కించపరిచేలా ఉండటంతో స్పందించాల్సి వస్తుందని అనసూయ అన్నారు.
అది నా ఇష్టం.. మీరు ఎవరు చెప్పడానికి:
నేను బరువు పెరగడం తగ్గడం నాఇష్టమని చెప్పింది అనసూయ. అయితే మీ దిగజారుడు తనాన్ని ఎలా సమర్థించుకుంటారని స్ట్రాంగ్ గా రిప్లై ఇచ్చింది అనసూయ. నేను కూడా మీకు లాగే కామెంట్స్ చేయగలను.. నేను మిమ్మల్ని హర్ట్ చేయగనని కానీ నా వ్యక్తిత్వం అలాంటి కాదని అన్నారు ఆమె. మరోసారి తన స్ట్రాంగ్ రిప్లేతో నెటిజన్లకు వార్నింగ్ ఇచ్చారు అనసూయ.
