పుట్టే ప్రతీ మానవునికి పుట్టు మచ్చలు అనేవి ఒకటో రెండో కచ్చితంగా ఉంటాయి. అవి శరీరంపై నల్లగా మచ్చలాగా ఉంటాయి. అవి పుట్టుకతోనే వస్తాయి కాబట్టి వాటిని పుట్టు మచ్చలు అని పిలుస్తుంటాం. అయితే శరీరంలో పుట్టుమచ్చలను బట్టి వారి గుణగణాలను చెప్పేస్తుంటారు. అలాగే మనిషి భవిష్యత్తును కూడా పుట్టు మచ్చల ఆధారంగా నిర్ణయిస్తుంటారు.
శరీరంలో ఆయా ప్రదేశాల్లో ఉంటే పుట్టు మచ్చలను బట్టి అదృష్టవంతులని, నాయకత్వ లక్షణాలుంటాయని.. కష్టాలు ఎక్కువగా అని అంటుంటారు. చేతిలో రేకలను చూసి ఎలా జాతకం చెబుతారో.. అలాగే పుట్టు మచ్చల ఏర్పాటు ప్రదేశాన్ని బట్టి కూడా భవిష్యత్తును చెబుతారంట. మరి మహిళల్లో ఉండే పుట్టుమచ్చల స్థానాలను బట్టి వారి భవిష్యత్ ఎలా ఉంటుందో కొన్ని తెలుసుకుందాం.. పెదవులపై పుట్టుమచ్చ ఉండటం వల్ల ఆకలి ఎక్కువగా ఉంటుందని.. అంతేకాకుండా.. భవిష్యత్తులో సంతోషంగా ఉంటారని చెబుతుంటారు.
అదే పురుషుల్లో అయితే.. రెండు కను బొమ్మల మధ్య పుట్టు మచ్చ ఉంటే..ఆత్మగౌరవం ఎక్కువగా లభిస్తుందట.. అలాగే కుడి కంటిలో ఉంటే కీర్తి పొందుతారట. అదే నాభిపై ఉంటే మాత్రం సంతోషంగా ఉంటారని చెబుతుంటారు. కుడి భుజం పై పుట్టు మచ్చ ఉంటే అతను చిన్న చిన్న విషయాలకు సీరియస్ అవుతాడని చెబుతుంటారు. కడుపు మీద ఉంటే.. ప్రాణాంతకమని.. కుడిపైపు ఛాతిపై ఉంటే జీవితం అర్థాంతరం అని.. ముక్కు మీద పుట్టు మచ్చ ఉంటే వారు ఎక్కువ వ్యాధుల భారిన పడే అవకాశాలు ఎక్కువగా ఉంటాయట.
ముక్కుకు కుడివైపు పుట్టు మచ్చ ఉంటే అనుకున్న పని పూర్తి చేసే శక్తి ఉంటుందట. వీటంన్నింటికి ఎలాంటి శాస్త్రాలు లేవు. కానీ జాతకాలు ఎలా చెబుతారో వీటిని కూడా అలా చెబుతుంటారు. కానీ వాటిని నమ్మడం.. నమ్మకపోవడం అనేది వాళ్ల ఇష్టాన్ని బట్టి ఉంటుంది.
