Pushpa-Anasuya: ఐకాన్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్ లో వచ్చిన పాన్ ఇండియా మూవీ పుష్ప వసూళ్లలో దుమ్మురేపుతోంది. అన్ని భాషల్లో హిట్ టాక్ తెచ్చుకుంది. ఈసినిమాలో బన్నీ ఊర మాస్ లుక్కులో.. ఎర్రచందనం స్మగ్లర్ గా నటిస్తుండటంతో విడుదలకు ముందే ఈ సినిమాపై భారీ అంచనాలు నెలకొన్నాయి. .
అందుకు తగ్గట్లుగానే విడుదలైన తర్వాత అన్ని సెంటర్లలో పుష్ప హిట్ టాక్ తెచ్చుకుంది. ముఖ్యంగా దేవీశ్రీ ప్రసాద్ మ్యాజిక్ తో పాటు సమంత ఐటెం సాంగ్ పుష్పకు స్పెషల్ అట్రాక్షన్ గా నిలిచాయి. అయితే మరో క్యారెక్టర్ ద్రాక్షాయణిగా హాట్ యాంకర్ అనసూయ మంచి క్యారెక్టర్ చేసింది.
రంగమత్తగా రంగస్థలంలో అందర్ని మెప్పించిన పాత్రలో ఒదిగిపోయిన అనసూయ.. పుష్పలో ద్రాక్షాయణిగా.. మంగళం శ్రీను భార్యగా ఊర మాస్ క్యారెక్టర్ లో కనిపించింది.
అయితే ఈ క్యారెక్టర్ కోసం ఆమె ఎంత పారితోషకం తీసుకున్నదనేది ప్రస్తుతం చర్చకు దారి తీస్తోంది. అయితే అనసూయ దాదాపుగా రోజుకు రూ. 1-1.5 లక్షల దాకా రెమ్యునరేషన్ తీసుకున్నట్లు సమాచారం. ఈ లెక్కన ఆమె పుష్ప సినిమా కోసం దాదాపు 10 రోజుల దాకా కాల్షీట్లు ఇచ్చిందట.. ఈ లెక్కన ఆమెకు సుమారు రూ. 12 లక్షల దాకా పారితోషకం వచ్చినట్లు తెలుస్తోంది.
రెండో భాగంలో అనసూయ తగ్గేదేలే:
అయితే పుష్ప మొదటి భాగంలో తక్కువ నిడివితోనే అనసూయ క్యారెక్టర్ ఉంది. అయితే రెండో భాగంలో మాత్రం అనసూయ క్యారెక్టర్ లెంత్, ఇంపార్టెన్స్ కూడా ఎక్కువగా ఉంటుందని తెలుస్తోంది. రెండో భాగంలో ఫహాద్ ఫాజిల్ తో కలిసి పుష్పపై రివేంజ్ తీసుకునే క్యారెక్టర్ లో అనసూయ కనిపిస్తుందని టాక్.
