Pushpa-Allu Arjun: పుష్ప ఇచ్చిన సక్సెస్ కిక్ లో ఉన్నాడు ఐకాన్ స్టార్ అల్లు అర్జున్. సుకుమార్ కాంబినేషన్ లో వచ్చిన పుష్ప భారీ వసూళ్లను రాబడుతోంది. ఊర మాస్ గెటప్ లో బన్నీ అదరగొట్టాడు. బన్నీ కెరీర్ లో తొలి ప్యాన్ ఇండియా సినిమా అయిన పుష్ప భారీ హిట్ కొట్టడంతో బన్నీ తెగ సంబరపడిపోతున్నాడు.
దీంతో పాటు త్వరలోనే పుష్ప-2 షూటింగ్ జరుగబోతోందనే సమాచారం కూడా వస్తోంది. అందుకు డైరెక్టర్ సుకుమార్ ప్లాన్ చేస్తున్నట్లు తెలుస్తోంది. ఫిబ్రవరి నుంచి సినిమా షూటింగ్ ప్రారంభమయి.. దసరాకు లేదా క్రిస్మస్ కు సినిమాను ప్రేక్షకుల ముందుకు తీసుకువద్దామని ప్లాన్ చేస్తున్నట్టు తెలిసింది.
అయితే పుష్ప సక్సెస్ తో బన్నీ, సుకుమార్ లు చెన్నై, హైదరాబాద్ లో సక్సెస్ పార్టీలు కూడా ఇచ్చారు. సక్సెస్ మీట్ లు కూడా నిర్వహిస్తున్నారు. తాజాగా ఓసక్సెస్ మీట్ లో బన్నీ ఎమోషనల్ కూడా అయ్యాడు. సుకుమార్ లేకుంటే… స్టైలిష్ స్టార్.. ఐకాన్ స్టార్ అనేవి లేవని కంటతడి పెట్టాడు.
ఇట్స్ ఫ్యామిలీ టైం అంటున్న బన్నీ..
అయితే పుష్ప సినిమా ఇచ్చిన సక్సెస్ ఎంజాయ్ చేస్తున్న బన్నీ.. కొన్ని రోజులు ఫ్యామిలీలో సరదాగా టూర్ ప్లాన్ చేస్తున్నాడు. వరసగా పుష్ప ప్రమోషన్లతో, షూటింగ్ తో అలసిపోయిన బన్నీ.. ఇప్పుడు పుష్ప సక్సెస్ ను ఎంజాయ్ చేసేందుకు ఫ్యామిలీలో కలిసి గోవా వెళ్తున్నాడు. అక్కడే 2022 కొత్త సంవత్సరాన్ని జరుపుకునేందుకు ప్లాన్ చేశాడు. తన భార్య స్నేహ, పిల్లలు అర్హ, అయాన్ లతో గడపడానికి విరామం తీసుకున్నాడు. మళ్లీ త్వరలోనే సినిమా షూటింగ్ లతో బిజీ అయ్యే అవకాశం ఉండటంతో ఈకొద్ది సమయాన్ని ఫ్యామిలీకి కేటాయించాడు బన్నీ. ఇదిలా ఉంటే సమంత కూడా తన బెస్ట్ ఫ్రెండ్ శిల్పారెడ్డితో కలిసి గోవాలోనే ఉంది.
