డ్రగ్ మాఫియా సినీ ఇండస్ట్రీలో తీవ్ర కలకలం రేపుతోంది. టాలీవుడ్ బాలీవుడ్ హాలీవుడ్ సంబంధం లేకుండా ప్రతి ఇండస్ట్రీలోనూ డ్రగ్ మాఫియా సృష్టిస్తోంది. ఇప్పటికే టాలీవుడ్ బాలీవుడ్ హాలీవుడ్ బాలీవుడ్ సెలబ్రిటీలను NCB అధికారులు విచారణ చేపట్టగా… తాజాగా ముంబై డ్రగ్స్ కేసులో భాగంగా నటుడు షారుక్ ఖాన్ తనయుడు ఆర్యన్ ఖాన్ ను పోలీసులు అదుపులోకి తీసుకున్న సంగతి మనకు తెలిసిందే.ఈ కేసులో భాగంగా ఉదయం నుంచి అధికారులు విచారణ కొనసాగించగా కీలకమైన ఆధారాలు లభించడంతో ఆర్యన్ ను పోలీసులు అరెస్టు చేశారు.
ఇలా షారుక్ తనయుడు అరెస్టు కావడంతో బాలీవుడ్ ఇండస్ట్రీలో సంచలనంగా మారింది. ఈ క్రమంలోనే తనయుడు అరెస్ట్ అయిన తర్వాత షారుఖ్ ని కలవడానికి సల్మాన్ ఖాన్ షారుఖ్ ఇంటికి చేరుకున్నారు. సల్మాన్ రాత్రి 11 గంటల సమయంలో షారుక్ ఇంటికి వెళ్తున్నటువంటి వీడియో ప్రస్తుతం సోషల్ మీడియాలో వైరల్ అవుతుంది.
శనివారం క్రూజర్ పై దాడి చేసిన అధికారులకు ఇందులో ఆర్యన్ ఉండటం చేత అతనిని అరెస్టు చేసిన అధికారులు సుమారు 12 గంటల సమయం పాటు తనని విచారించారు. ఈ క్రమంలోనే అతనిని కోర్టులో హాజరుపరచగా అతడికి ఒక రోజు కస్టడీ విధించినట్లు అధికారులు వెల్లడించారు. ఆర్యన్ తో పాటు మరో ఎనిమిది మందిని అధికారులు కస్టడీలోకి తీసుకొని విచారణ కొనసాగిస్తున్నారు.
ఈ క్రమంలోనే సోమవారం షారుక్ తరఫు లాయరు సతీష్ మన్షిండే బెయిల్ పిటిషన్ దాఖలు చేస్తారని తెలుస్తోంది.కొడుకు అరెస్ట్ కావడంచేత తనని పరామర్శించడం కోసమే సల్మాన్ ఖాన్ తన నివాసానికి చేరుకున్నారని తెలుస్తోంది. ప్రస్తుతం ఈ వీడియో సోషల్ మీడియాలో వైరల్ గా మారింది.
