సాధారణంగా ఉద్యోగం చేసే వారిలో వారి జీవితం నుంచి కొంత భాగం పీఎఫ్ అకౌంట్లో జమవుతూ వస్తుంది. ఈ విధంగా పీఎఫ్ అకౌంట్ లో జమయిన డబ్బులు రిటైర్మెంట్ తర్వాత తీసుకోవచ్చు లేదా అత్యవసర పరిస్థితులలో మనం ఆ డబ్బులను మధ్యలో కూడా విత్ డ్రా చేసుకోవచ్చు. ఈ డబ్బులు డ్రా చేసుకోవడానికి సరైన కారణం ఉండాలి.
అయితే కొందరు కొన్నిసార్లు ఒక ఉద్యోగం నుంచి మరొక ఉద్యోగానికి వెళ్తుంటారు.అలాంటప్పుడు కొత్త కంపెనీకి వెళ్ళినప్పుడు పాత పీఎఫ్ అకౌంట్ కొత్త కంపెనీకి ట్రాన్స్ఫర్ చేసుకునే అవకాశం ఉంది. అయితే ఈ పీఎఫ్ అకౌంట్ కంటిన్యూ కావాలంటే కచ్చితంగా ఒక పని చేయాల్సి ఉంటుంది.ఈ విషయంలో ఏమాత్రం అలసత్వం వహించిన ఆ డబ్బులను ట్రాన్స్ఫర్ చేసుకోలేరు లేదా విత్ డ్రా కూడా చేసుకోలేరు.
మన పాత పీఎఫ్ అకౌంట్ కొత్త కంపెనీకి ట్రాన్స్ఫర్ కావాలంటే మనం జాబ్ మానేసిన ఎగ్జిట్ తేదీని
ఈపీఎఫ్వో సిస్టమ్లో ఎంటర్ చేయాలి. ఈ విధంగా చేసినప్పుడు మాత్రమే మనం డబ్బులను విత్డ్ డ్రా చేసుకోవచ్చు. గతంలో ఈ విధంగా ఎగ్జిట్ తేదీని ఎంటర్ చేయడానికి కంపెనీ పై ఆధారపడాల్సి ఉండేది. కానీ ప్రస్తుతం ఈ ఎగ్జిట్ నెంబర్ ను మనమే ఎంటర్ చేసుకోవచ్చు.
మనం జాబ్ మానేసిన రెండు నెలల తర్వాత మాత్రమే ఈ ఎగ్జిట్ నెంబర్ ను ఈపీఎఫ్వో సిస్టమ్లో ఎంటర్ చేసే అవకాశం ఉంటుంది. ఈ ఈపీఎఫ్వో వెబ్ సైట్ కు వెళ్ళి లాగిన్ అయి, మేనేజ్ ఆప్షన్ లోకి వెళ్ళాలి. అక్కడ మార్క్ ఎగ్జిట్ అనే ఆప్షన్ ఉంటుంది. దీని పై క్లిక్ చేసి డేట్ అఫ్ ఎగ్జిట్ కొడితే మనకు ఓటిపి వస్తుంది. ఓటిపిని ఎంటర్ చేస్తే మన పీఎఫ్ అకౌంట్ కొత్త కంపెనీ కి ట్రాన్స్ఫర్ అవుతుంది.
