RRR Movie: రాజమౌళి దర్శకత్వంలో పాన్ ఇండియా స్థాయిలో తెరకెక్కిన ఆర్ఆర్ఆర్ సినిమా ఎన్నో అంచనాల నడుమ రేపు (మార్చి 25 వ తేదీ) విడుదల కానుంది.ఈ క్రమంలోనే ఈ సినిమా హిట్ ఫ్లాప్ తో సంబంధం లేకుండా ఏకంగా మూడు రోజుల వరకు టికెట్లు బుక్ అయ్యాయి. ఇక ఈ సినిమాని మొదటిరోజు చూడటం కోసం ఎంతో మంది తెలుగు అభిమానులు ఎన్నో ప్రయత్నాలు చేస్తున్నారు.
ఈ క్రమంలోనే మొదటిరోజు ఈ సినిమా చూడటానికి కుదరకపోవడంతో తమకు టికెట్లు కావాలని ఏకంగా హైదరాబాద్ లో ఒక మల్టీ ఫ్లెక్స్ మేనేజర్ కు తీవ్రస్థాయిలో బెదిరింపులు వెళుతున్నాయి. ఈ క్రమంలోనే కొందరు వెళ్లి మేము ఫలానా మంత్రి అనుచరులము, ఫలానా పోలీసు ఉన్నతాధికారి మనుషులము అని వారి పేర్లు చెబుతూ పదుల సంఖ్యలో టిక్కెట్లు కావాలని ఒత్తిడి తెస్తున్నారు.
ఈ క్రమంలోనే అన్ని టికెట్లు ఇవ్వడం కుదరలేదు 2,3 అంటే సర్దుబాటు చేస్తామని మల్టీప్లెక్స్ సిబ్బంది చెప్పినప్పటికీ అభిమానులు మాత్రం ఏంటి ఈ మల్టీప్లెక్స్ ఉండాలనుకుంటున్నారా? లేదా? అంటూ దారుణంగా వారికి బెదిరింపులు చేస్తున్నారు. ఇక ఈ ఒత్తిడిని భరించలేక మల్టీప్లెక్స్ మేనేజర్ అధిక బీపీతో ఏకంగా హైదరాబాద్లోని ఒక ప్రైవేటు ఆస్పత్రిలో అడ్మిట్ అయ్యారు.
నిర్మాత దానయ్యకు తప్పని తిప్పలు…
ఇలా కేవలం థియేటర్ ఓనర్, మేనేజర్ కి మాత్రమే కాకుండా నిర్మాత దానయ్యకు సైతం ఈ టికెట్ల ఒత్తిడి తగ్గలేదు. ఆయన కూడా మొదటి షో కి టికెట్లను సర్దుబాటు చేయలేక పోతున్నారు. మరోవైపు రాజమౌళికి కూడా టికెట్ల ఒత్తిడి తప్పలేదనే చెప్పాలి. ఈ విధంగా సినిమా టికెట్ల కోసం బాహుబలి సినిమాకు ఇలాంటి ఒత్తిడి ఏర్పడింది. తిరిగి ఆర్ఆర్ఆర్ సినిమాకు అదే స్థాయిలో సినిమా టికెట్ల కోసం ఒత్తిడి తీసుకురావడమే కాకుండా బెదిరిస్తున్నారని చెప్పాలి.
