భద్రాద్రి కొత్తగూడెం జిల్లా: భద్రాద్రి కొత్తగూడెం జిల్లా బూర్గంపాడు మండలం సారపాకలో మానవత్వం మరిచిన ఒక తండ్రి తన కన్న కూతురిని పదేపదే కాలుతో తన్ని భయభ్రాంతులకు గురిచేసిన ఘటన వెలుగులోకి వచ్చింది. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు.
తల్లి ఫిర్యాదు, పోలీసుల చర్య
ఐటీసీలో పనిచేసే ఆ వ్యక్తి తన మైనర్ బాలికను కాలుతో తన్నుతూ భయభ్రాంతులకు గురి చేయగా, ఈ విషయాన్ని గమనించిన తల్లి వెంటనే 1098 చైల్డ్ హెల్ప్ లైన్కి ఫిర్యాదు చేసింది. ఫిర్యాదు అందిన వెంటనే ఐసీడీఎస్ సూపర్వైజర్ సక్కుబాయి విచారణ చేపట్టి, బాలిక తండ్రిపై పోలీస్ స్టేషన్లో కేసు నమోదు చేశారు.
కేసు నమోదు, దర్యాప్తు
పోలీసులు భారతీయ న్యాయ సంహిత (BNS)లోని సంబంధిత సెక్షన్ల కింద కేసు నమోదు చేశారు. ఈ ఘటనపై మరింత లోతుగా దర్యాప్తు చేసి తగిన చర్యలు తీసుకుంటామని పోలీసులు తెలిపారు. కుటుంబంలో బాలికపై జరిగిన ఈ దాడి స్థానికంగా తీవ్ర చర్చనీయాంశంగా మారింది.
కూతురిని దారుణంగా హింసించిన తండ్రిపై కేసు నమోదు
— TeluguDesk (@telugudesk) July 23, 2025
భద్రాద్రి కొత్తగూడెం జిల్లా బూర్గంపాడు మండలం సారపాకలో మానవత్వాన్ని మరిచిన తండ్రి దారుణానికి పాల్పడ్డాడు. ఐటీసీలో పనిచేస్తున్న వ్యక్తి తన మైనర్ కుమార్తెను పదేపదే కాలితో తన్నుతూ భయభ్రాంతులకు గురిచేశాడు. ఈ ఘటనపై బాలిక తల్లి 1098… pic.twitter.com/nlLaojk9Sb
