Susmitha: పవన్ కళ్యాణ్ పిఠాపురం నియోజకవర్గం నుంచి పోటీ చేస్తున్నటువంటి తరుణంలో అందరి ఆసక్తి ఈ నియోజకవర్గం పైనే ఉంది. పవన్ కళ్యాణ్ గత ఎన్నికలలో భాగంగా గాజువాక భీమవరంలో పోటీ చేసి ఓటమి పాలు అయిన సంగతి తెలిసిందే. అయితే ఈసారి కాపులు అధికంగా ఉన్నటువంటి పిఠాపురం నియోజకవర్గం నుంచి ఈయన పోటీకి దిగారు.
ఇక ఈ నియోజకవర్గంలో ఎలాగైనా గెలుపు అందుకొని అసెంబ్లీలోకి అడుగు పెట్టాలన్న ఉద్దేశంలోనే పవన్ కళ్యాణ్ రాజకీయ ప్రచార కార్యక్రమాలను కూడా భారీ స్థాయిలో నిర్వహించారు. పిఠాపురం చేరుకొని ఎన్నికల ప్రచార కార్యక్రమాలలో పాల్గొన్న సంగతి తెలిసిందే. మెగా హీరోలు అందరూ కూడా పిఠాపురంలో ప్రచార కార్యక్రమాలను నిర్వహించారు.
చివరికి రామ్ చరణ్ ఆయన తల్లి సురేఖ కూడా పిఠాపురం చేరుకొని పవన్ కళ్యాణ్ కు మద్దతుగా నిలబడిన సంగతి తెలిసిందే. అయితే ఇప్పటివరకు మెగా హీరోలందరూ కూడా పవన్ కళ్యాణ్ కు మద్దతు తెలిపారు కానీ మొదటిసారి మెగా డాటర్ సుస్మిత సైతం తన బాబాయిని గెలిపించాలి అంటూ సోషల్ మీడియా వేదికగా చేస్తున్నటువంటి పోస్ట్ వైరల్ అవుతుంది.
అండగా నిలవండి…
ఈమె సోషల్ మీడియా వేదికగా స్పందిస్తూ.. అతని పోరాటం నిజమైనది.. ఆయన హృదయం ప్రజల కోసమే, అతను నిజం కోసమే నిలబడతారు దయచేసి అండగా నిలవండి అంటూ ఈమె తన బాబాయిని గెలిపించాలని కోరుతూ చేసిటువంటి ఈ పోస్ట్ క్షణాల్లో వైరల్ అవుతుంది. అయితే మొదటిసారి ఇలా మెగా డాటర్ తన బాబాయ్ గెలుపు కోసం పోస్ట్ చేయడంతో ఇది కాస్త వైరల్ అవుతుంది.
