చేతిలో వీడియో కెమెరా ఉంది కదా.. ఏమైనా చేయోచ్చు అనే ఆలోచనలో ఉంటే ఇలానే బెడిసి కొడుతుంది. యమదొంగ సినిమాలో ఎన్టీఆర్ ఓ డైలాగ్ చెబుతారు. అదేంటంటే.. ‘పులిని దూరం నుంచి చూడాలని అనిపించిందనుకో చూడొచ్చు.. అదే ఫొటో దిగాలని అనిపిస్తే.. కొంచెం రిస్క్ అయినా పర్వాలేదు.. కానీ పులితో ఆడుకోవాలని చూస్తే మాత్రం వేటాడేస్తది’ అంటాడు.
డిట్టో ఇక్కడ అదే జరిగింది. నీటిలో ఓ క్రొకోడైల్ ను అతడు గమనించి దగ్గరగా వెళ్లి అతడు వీడియో తీయాలనుకున్నాడు. దగ్గరకు వెళ్తే ఏమైనా ఉందా.. లాగి పట్టి తినేస్తుంది. అలా కాకుండా అతడు ఓ ఉపాయం ఆలోచించారు. దాని దగ్గరకకు ఓ డ్రోన్ కెమెరాను పంపించాడు. దీంతో ఆ ముసలి ఆ డ్రోన్ ఏదో పక్షి అనుకుంది. తన వైపే చూస్తూ.. గాలిలో ఎగురుతుండగా.. తనకు ఏదో ఆపద వచ్చిందని భావించింది.
చూసింది.. చూసింది.. ఒక్కసారిగా ఎగిరి నోటి ద్వారా ఆ డ్రోన్ ను పట్టేసింది. దీంతో కసకస నమిలింది. ఇలా నములుతున్న సమయంలో దాని నోట్లో నుంచి పొగలు వచ్చాయి. అయినా దానిని వదలకుండా నమిలింది. ఇదంతా ఓ వ్యక్తి అక్కడే ఉండి మారో కెమెరాలో బంధించాడు. దీనిని సోషల్ మీడియాలో పోస్ట్ చేయగా అది కాస్త వైరల్ గా మారింది. దీనిని చూసిన నెటిజన్లు వివిధ రకాలుగా కామెంట్లు చేస్తున్నారు.
ఆ వీడియోను ఫ్లోరిడాలో రికార్డు చేశారు. కాలిఫోర్నియాకు చెందిన డ్రోన్ కంపెనీ వ్యవస్థాపకుడు, మాజీ సీఈఓ క్రిస్ ఆండర్సన్ఈ ఫుటేజీని ముందుగా ట్విట్టర్లో షేర్ చేశారు. ఆ తర్వాత గూగుల్ సీఈఓ సుందర్ పిచాయ్ తన ట్విట్టర్ అకౌంట్లో ఈ వీడియోను రీట్వీట్ చేశారు. దీనిపై నెటిజన్లు ఆగ్రహం వ్యక్తం చేశారు. నోరులేని జీవాల వద్ద ఇలాంటి ప్రయోగాలు ఆమోదయోగ్యం కాదంటూ ట్వీట్ చేశారు.
