AP Politics: ఆంధ్రప్రదేశ్లో కూటమి అధికారంలోకి వచ్చినప్పటికీ వైయస్సార్ కాంగ్రెస్ పార్టీకి ఆదరణ తగ్గలేదని తెలుస్తుంది. అయితే ఇటీవల విశాఖ ఎమ్మెల్సీ ఉప ఎన్నికలలో భాగంగా వైఎస్ఆర్ కాంగ్రెస్ పార్టీ నుంచి బొత్స సత్యనారాయణ నామినేషన్ దాఖలు చేశారు అయితే వారం రోజుల నుంచి పెద్ద ఎత్తున ఈ ఎన్నికలపై చర్చలు జరిగాయి అయితే ఈ ఎన్నికలకు తాజాగా తెరపడినట్లు తెలుస్తోంది.
ఈ ఎమ్మెల్సీ ఉప ఎన్నికల పోటీ నుంచి అధికార టిడిపి పార్టీ వెనక్కు తగ్గింది. ఇలా పార్టీ వెనక్కి తగ్గడం వెనక వైసీపీ వ్యూహం ఏంటి అనేది ప్రస్తుతం చర్చనీయాంశంగా మారింది. రాష్ట్రంలో కూటమి ప్రభుత్వం అధికారంలోకి వచ్చిన తర్వాత జరుగుతున్న ఉప ఎన్నిక కావడంతో ఈ ఎన్నికలపై ఎంతో ఆసక్తి నెలకొంది. కూటమి పోటీ చేయొచ్చనే ప్రచారంతో వైసీపీ ఎంతో టెన్షన్ పడింది. తన ఓటర్లను కాపాడుకోడానికి క్యాంపు రాజకీయాలకు తెరతీసింది. ఐతే తాము పోటీకి దూరంగా ఉంటున్నట్లు నామినేషన్ల చివరి రోజున చెప్పడంతో సత్యనారాయణ ఎంపిక లాంచనమేనని తెలుస్తుంది.
వైసీపీకే మెజారిటీ..
ఇలా ఈ ఉప ఎన్నికలకు అధికార పార్టీ దూరంగా ఉండడానికి గల కారణం ఏంటి అనే ప్రశ్న అందరిలోనూ కలుగుతుంది. ఈ ఎన్నికలలో కేవలం 830 ఓట్లు ఉన్న ఈ స్థానంలో ఎక్కువ మంది గ్రామీణ ప్రాంతానికి చెందిన ప్రజాప్రతినిధులే ఉన్నారు… ఇందులో వైసీపీకి చెందిన వారే సుమారుగా 550 మంది వరకు ఉంటారు. టీడీపీ మిత్రపక్షాలకు కేవలం 250 ఓట్లు మాత్రమే ఉన్నాయి. దీంతో వైసీపీకే ఎక్కువ మద్దతు ఉండటంతో అధికార పార్టీ తప్పుకున్నారని తెలుస్తోంది. ఇక జగన్ కూడా ఈ ఎన్నికకు బొత్స సత్యనారాయణ ను ఎంపిక చేయడంతో కూటమి ప్రభుత్వం ఎవరిని బరిలోకి దింపలేదు కానీ జగన్ ఎన్నో వ్యూహాలు రచించే తనని రంగంలోకి దింపారని ఈ విషయంలో వైసీపీ సక్సెస్ అయిందని తెలుస్తుంది.
