శేఖర్ కమ్ముల దర్శకత్వంలో తెరకెక్కే సినిమాలో ఏదో మ్యాజిక్ ఉంటుంది… అతని సినిమాలు ఏ మాత్రం అంచనాలు లేకుండా ప్రేక్షకుల ముందుకు వచ్చే భారీ విజయాలను అందుకుంటాయి. ఈ క్రమంలోనే శేఖర్ కమ్ముల దర్శకత్వం వహించిన గోదావరి, ఆనంద్, హ్యాపీ డేస్, ఫిదా వంటి చిత్రాలు బాక్సాఫీస్ వద్ద అద్భుతమైన విషయాలను అందుకున్నాయి. అందుకే శేఖర్ కమ్ముల సినిమా అంటే ఈ మధ్య కాలంలో ప్రేక్షకులు కూడా అంచనాలను పెట్టుకుంటున్నారు.
శేఖర్ కమ్ముల దర్శకత్వంలో తెరకెక్కిన ఎవర్ గ్రీన్ సినిమాలలో హ్యాపీ డేస్ ఒకటి. అందరూ కొత్త హీరోలతో తెరకెక్కిన ఈ చిత్రం ప్రేక్షకులను ముఖ్యంగా యువతను ఎంతో అద్భుతంగా ఆకట్టుకుంది. చాలామంది ఈ సినిమాను చూసి వారి కాలేజీ రోజులను గుర్తు చేసుకుంటూ గడిపారు. ఇప్పటికీ ఈ సినిమా టీవీలలో ప్రసారం అయితే ఎంతో మంది యువత ఈ సినిమాను కన్నార్పకుండా చూస్తారు.
నలుగురు కాలేజీ యువకుల జంట మధ్య సాగే ప్రేమకథ ను ఎంతో అద్భుతంగా తీర్చి దిద్ది ప్రేక్షకుల ముందుకు తీసుకు వచ్చారు శేఖర్ కమ్ముల.మిక్కీ జే మేయర్ అందించిన సంగీతం ఈ సినిమాకు మరొక ప్లస్ పాయింట్ అయింది. హ్యాపీ డేస్ అంటూ… సాగిపోయే పాట ఎంతోమంది కాలేజీ యువతీయువకులను ఆకట్టుకుంది.
ఇప్పటికి కూడా కాలేజీలో సెండాఫ్ పార్టీ జరుగుతున్న సమయంలో ఈ పాటలు వినబడుతూ ఉంటాయి. కాలేజీ యువత మనసులో ఉన్నటువంటి భావాలను ఎంతో అద్భుతంగా తెరపై చూపించారు దర్శకుడు. ఏ విధమైనటువంటి అంచనాలు లేకుండా థియేటర్లలో విడుదలైన ఈ సినిమా బాక్సాఫీస్ వద్ద అద్భుతమైన విజయాలను అందుకొని నిర్మాతకు, డిస్ట్రిబ్యూటర్లకు లాభాలను తెచ్చి పెట్టాయి.
