Raviteja: టాలీవుడ్ ఇండస్ట్రీలో హీరోగా కొనసాగుతున్న రవితేజ ప్రస్తుతం వరుస సినిమాలకు కమిట్ అవుతున్నారు. ప్రస్తుతం ఈయన పీపుల్ మీడియా ఫ్యాక్టరీ వారి నిర్మాణంలో డైరెక్టర్ హరీష్ శంకర్ దర్శకత్వంలో మిస్టర్ బచ్చన్ అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు.
ప్రస్తుతం ఈ సినిమా శరవేగంగా షూటింగ్ పనులను జరుపుకుంటుంది. త్వరలోనే ఈ సినిమా ప్రేక్షకుల ముందుకు రాబోతున్న నేపథ్యంలో రవితేజ సైతం వరుస కాల్ షీట్స్ సినిమా కోసం కేటాయించారని తెలుస్తోంది. అయితే తాజాగా ఈ సినిమా షూటింగ్ లోకేషన్ నుంచి డైరెక్టర్ హరీష్ శంకర్ ఒక ఫోటోని సోషల్ మీడియా వేదికగా షేర్ చేశారు.
ఈ ఫోటో చూస్తున్నటువంటి అభిమానులు ఒక్కసారిగా కంగారు వ్యక్తం చేస్తున్నారు. రవితేజకు ఏమైంది అంటూ ప్రశ్నల వర్షం కురిపిస్తున్నారు. ఈ ఫోటోలో భాగంగా రవితేజ మెడకు బెల్ట్ పెట్టుకుని ఉండగా పక్కనే హరీష్ శంకర్ దానిని పట్టుకొని ఉన్నారు. ఇక ఈ ఫోటోని షేర్ చేసిన ఈయన రవితేజ మెడకు తీవ్రమైన నొప్పి వస్తుందని వెల్లడించారు.
మెడ నొప్పి సమస్య..
మీ డెడికేషన్ కు హ్యాట్సాఫ్.. ఇంత తీవ్రమైన మెడ నొప్పిలో కూడా షూటింగ్ చేస్తున్నారు. ఎప్పటికప్పుడు మీరు మమ్మల్ని ఇన్స్పైర్ చేస్తున్నారు థాంక్యూ అన్నయ్య అంటూ పోస్ట్ చేశారు. ప్రస్తుతం ఈ పోస్ట్ వైరల్ గా మారింది. అయితే ఈయన తీవ్రమైన మెడ నొప్పి సమస్యతో బాధపడుతున్నప్పటికీ షూటింగ్ ఆగిపోకూడదని నిర్మాతలు నష్టపోకూడదని తన నొప్పిని సైతం లెక్కచేయకుండా షూటింగ్లో పాల్గొన్నారు తెలిసి అభిమానులు సంతోషం వ్యక్తం చేయడమే కాకుండా ఆరోగ్య విషయంలో కూడా జాగ్రత్తలు తీసుకోవాలని సలహాలు ఇస్తున్నారు.
