సహజసిద్ధంగా చాలా అరుదుగా లభించే కూరగాయల్లో బోడకాకర కాయ ప్రధానమైంది.సాధారణంగా బోడకాకర కాయలు వర్షాకాలం తొలకరి వర్షాలు పడినప్పుడు కొన్ని అటవీ ప్రాంతాల్లో లభ్యమవుతాయి. అందుకే వీటిని అడవి కాకరకాయలు అని కూడా అంటారు.ఇతర కూరగాయాలతో పోలిస్తే బోడకాకర కాయలలో అద్బుతమైన ఔషధగుణాలతో పాటు మన శరీరానికి అవసరమైన అన్ని పోషక విలువలు సమృద్ధిగా లభిస్తాయి.
మన భారతీయ ఆయుర్వేద చికిత్సలో ఎన్నో వ్యాధులకు బోడకాకరకాయ మరియు ఈ మొక్క ఆకులు, పేర్లు,పువ్వులు ఎన్నో ఔషధ గుణాలు కలిగి అనేక వ్యాధులకు పరిష్కార మార్గంగా ఉంది.బోడకాకర కాయలో విటమిన్ ఎ, బి,సి లు పుష్కలంగా ఉంటాయి. వీటిని ఆహారంగా తీసుకోవడం వల్ల కంటి సమస్యలు చర్మ సమస్యలు తొలగి మన శరీరానికి అవసరమైన వ్యాధి నిరోధక శక్తి సమృద్ధిగా లభిస్తుంది.
బోడ కాకరకాయలో క్యాన్సర్ కణాలతో పోరాడే పైటో న్యూట్రియంట్స్ ఉండడంతో మన శరీరంలోని క్యాన్సర్ కారకాలను నాశనం చేసి క్యాన్సర్ ప్రమాదాన్ని తొలగిస్తుంది. వీటిలో ఫైబర్ అధికంగా ఉండటంతో జీర్ణక్రియ పనితీరు మెరుగుపరిచి మలబద్దకం,అజీర్ణం పెద్ద ప్రేగు క్యాన్సర్ వంటి సమస్యలను దూరం చేస్తుంది.రక్తంలో షుగర్ లెవల్స్ ని తగ్గించి ఇన్సులిన్ లెవల్స్ నీ నియంత్రించి ప్రమాదకర డయాబెటిస్ వ్యాధి నుంచి రక్షణ పొందవచ్చు. శరీరంలో పేరుకుపోయిన చెడు కొలెస్ట్రాల్ ను తొలగించిగుండె సంబంధిత వ్యాధులను నియంత్రించడంలో బోడ కాకరకాయలు ప్రధాన పాత్ర పోషిస్తాయి. ఎన్నో ఔషధ గుణాలు కలిగిన ఈ బోడ కాకరకాయ లకు మార్కెట్లో మంచి గిరాకీ ఉంది.
