Hero Suhas: కలర్ ఫోటో సినిమా ద్వారా ఎంతో మంచి గుర్తింపు సంపాదించుకున్నారు నటుడు సుహాస్. ఈయన ఇండస్ట్రీలో కమెడియన్ గా క్యారెక్టర్ ఆర్టిస్ట్ గా నటిస్తూ ఎంతో మంచి ఆదరణ సంపాదించుకున్నారు. ఈ క్రమంలోనే కలర్ ఫోటో సినిమాలో హీరోగా అవకాశం అందుకున్నారు. ఈ సినిమా అద్భుతమైన హిట్ అందుకోవడంతో ఈయనకు వరుసగా హీరోగా అవకాశాలు వస్తున్నాయి.
ఇలా హీరోగా మంచి సక్సెస్ సాధించినప్పటికీ ఈయన మాత్రం విలన్ పాత్రలలో నటిస్తూ కూడా ప్రేక్షకులను భయపడుతున్నారు.అయితే తాజాగా ఈయన నటించిన రైటర్ పద్మభూషణం అనే సినిమా త్వరలోనే విడుదల కానుంది. ఈ క్రమంలోనే ఈ సినిమా ప్రమోషన్ కార్యక్రమాల నిమిత్తం హీరో సుహాస్ ఇంటర్వ్యూలకు హాజరవుతున్నారు.
ఈ క్రమంలోనే ఒక ఇంటర్వ్యూలో పాల్గొన్నటువంటి ఈయన తన వ్యక్తిగత విషయాలు గురించి కూడా ప్రస్తావించారు. తనది లవ్ మ్యారేజ్ అని అయితే తను పెళ్లి చేసుకున్న విషయం కనీసం తన స్నేహితులకు కూడా తెలియదంటూ చెప్పుకోచ్చారు. ఇక పెళ్లి తర్వాత తనకు ఇండస్ట్రీలో ఎంతో మంచి అవకాశాలు వచ్చాయని సుహాస్ వెల్లడించారు.
Hero Suhas: నేను నవ్వినా భయపడేది…
ఇక తాజాగా ఈయన నటించిన ఫ్యామిలీ డ్రామాలో ఈయన సైకో పాత్రలో నటించి అందరిని భయపెట్టారు. ఈ సినిమా చూసిన తర్వాత తన భార్య కూడా ఎంతో భయపడిందని ఇలాంటి సైకో పాత్రలో నటించడం వల్ల మూడు రోజులపాటు తనని ఇంట్లోకి కూడా రానివ్వకుండా ఆఫీసులో పడుకోమని చెప్పి తనను బయటకు గెంట్టేసిందని ఈయన తెలిపారు. నేను ఇంట్లో నార్మల్ గా నవ్విన కూడా తన భార్య ఎంతో భయపడేది అంటూ సుహాస్ తన భార్య గురించి చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి.
